Tərkibi:4 iri yumurta
2/3 st. un
2/3 st. süd
16 ortaboy şampinyon
2 iri soğan
70 q kərə yağı
duz
qara istiot
Hazırlanması:Göbələklərin hərəsini 4 yerə bölün. Soğanı yarımhalqa doğrayın. 30 q kərə yağını tavada əridin. Göbələyi əlavə edin, aradabir qarışdıraraq qovurun. Göbələyin suyu çıxıb xarakterik qoxusu yayılanda ocaqdan götürün.
Soğanı qovurun.
Xəmir: yumurtaları qarışdırın (çalmayın), süd, hissə-hissə un əlavə edin, eynicinsli kütlə alınanadək qarışdırın. Ədviyyat əlavə edin, qarışdırın (çalmaq lazım deyil).
Tavanı kərə yağı ilə yağlayın. Xəmirin bir qədərini buraya tökün. Üstünə göbələkləri, sonra qovrulmuş soğanları düzün. Xəmirin qalanını üstünə tökün. Tavanı əvvəlcədən 170 dərəcə qızdırılmış sobaya qoyun. üstü qızaranadək bişirin.
Nuş olsun!
Etiketlər: əlavə, qarışdırın, Xəmirin, tökün, qovurun, Soğanı, Tavanı, hissə, buraya, alınanadək, qədərini, Üstünə, Ədviyyat, deyil, göbələkləri, çalmaq, yağlayın, lazım, sonra, sobaya