Bu maraqlı şorba Koreya mətbəxinə aiddir.

Bu şorbanın reseptləri çoxdur. Biz toyuq bulyonu və toyuq əti ilə olanı hazırlayırıq.

Tərkibi:
500 q toyuq əti
1 badımcan
3 yumurta
200 q təzə xiyar
1 şirin bibər
200 q soya cücərtisi (konserv)
1,5 l toyuq bulyonu
200-300 q yumurtalı əriştə
3 x.q. zeytun yağı
soya sousu, süfrə sirkəsi - zövqə görə
2-3 diş sarımsaq
duz, istiot göyərti - zövqə görə

Hazırlanması:
Badımcanı saman kimi doğrayın, duzlayın. Əlinizlə sıxın, 1 saat saxlayın.


Əti şəridlərə doğrayın, tavada zeytun yağında qızılı rəng alanadək qovurun.


Suyu sıxılmış badımcan əlavə edin, 5-7 dəqiqə bişirin.


Əriştənin üstünə qaynar su tökün, 3 dəqiqədən sonra süzün. Əriştə hazırdır.


Yumurtaları çalın və bitki yağında 3 nazik blinçik bişirin. Sonra üst-üstə yığıb rulet kimi bükün, doğrayın.


Xiyarı sürtgəcin iri gözündən keçirin, suyunu sıxın. Bibəri nazik saman kimi doğrayın. Soya cücərtiləri dadsızdırsa, üstünə azca limon şirəsi səpib az miqdarda duz vurun.


Bulyon: toyuq bulyonuna əzilmiş sarımsaq, soya sousu və süfrə sirkəsi (çox az), qırmızı istiot və doğranmış keşniş əlavə edin.


Hər boşqaba bir az əriştə qoyun.


Yanına ətlə badımcanı, ortaya blinçik dilimlərini qoyun.


Üstünə qaynar bulyon töküb süfrəyə verin.

Nuş olsun!

---

Etiketlər: toyuq, doğrayın, sarımsaq, saman, zövqə, süfrə, zeytun, sousu, sirkəsi, sıxın, üstünə, qaynar, blinçik, bişirin, əlavə, əriştə, yağında, nazik, istiot, qoyun