Marinə edilmiş çuğundur müxtəlif salatlar, həmçinin borş üçün əla inqredientdir.
Tərkibi:1 kq çuğundur
200 ml sirkə
1 ç.q. duz
25 q şəkər tozu
5 ədəd dənəvər qara istiot
1 ədəd dəfnə yarpağı
30 q qıtığotu kökü
3 ədəd mixək
2 ədəd çili istiotu
1 budaq darçın
Hazırlanması:Çuğunduru yuyun. Qazana yığıb üzərinə su tökün, tam hazır olanadək bişirin.
Hazır olub-olmadığını bıçaqla yoxlayın: bıçağa taxıb qaldırın, əgər asanlıqla sürüşüb düşürsə, demək, hazırdır.
Çuğundurun suyunu süzün. Çuğunduru otaq temperaturunadək soyudun.
Marinad: 1 litr suya sirkə və reseptdəki digər ərzaqları (çuğundurdan başqa) əlavə edin. Ocağın üstünə qoyun, qaynara düşəndə götürün. Otaq temperaturunadək soyudun.
Çuğunduru ürəyiniz istəyən qaydada (ya kubik - salat üçün, ya da saman kimi - borş üçün) doğrayın.
Təmiz bankalara yığın. Qapağını bağlayın. Soyuq, quru yerdə saxlayın.
Artıq bir sutka sonra yemək olar.
Nuş olsun!
Etiketlər: Çuğunduru, sirkə, soyudun, temperaturunadək, çuğundur, qoyun, üstünə, Ocağın, qaynara, götürün, ürəyiniz, əlavə, düşəndə, ərzaqları, Marinad, süzün, reseptdəki, digər, çuğundurdan, istəyən