• Duza qoyulmuş zeytun resepti

Reseptin məlumatları Baxış sayı: 118 517

Tarix : 13-09-2015, 10:00

Bölmə : Turşular

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
Zeytun
Qələvi
Duz
Fenolftaein (apteklərdə satılan purgen dərmanı da olar)

Hazırlanması:
Zeytun həm kal, həm də yetişmiş duzlanır. Kal zeytun dərilir (təxminən noyabr ayında) və təmizlənir. Acılığı yox etmək üçün qələvi məhluluna qoyulur. Bu məhlulda zeytun ancaq üç günədək qala bilər. Bundan sonra zeytun məhluldan çıxarılıb axar su altında yuyulur və hər gün dəyişmək şərti ilə bir neçə gün təmiz suda saxlanır. Qələvinin tamam yox olmasını bilmək üçün zeytunun biri kəsilir və içinə fenolftalein (apteklərdə satılan purgen dərmanından istifadə etmək olar) sürtülür. Zeytunun içi qızarmırsa, deməli, qələvi təmizlənmişdir. Bundan sonra zeytunun üstünə duzlu su (1 litr qaynadılmış soyuq suya 50 qram duz) tökülüb turşumağa qoyulur. Turşuma vaxtı əmələ gələn qazın yaxşı çıxması üçün zeytun olan qabın qapağında deşik açılır və ora rezin borucuq keçirilir, ya da qapaqda bir neçə deşik açılır. Turşuma 15-20 gün çəkir. Bundan sonra zeytun hazır olur.

Qələvinin hazırlanması:
10 L suya 175-200 q. natrium və ya kalum qələvisi (potaş) qoyulub qarışdırılır.

Nuş olsun!
Etiketlər: zeytun, sonra, Bundan, qoyulur, etmək, deşik, Turşuma, zeytunun, Qələvinin, qələvi, Zeytun, apteklərdə, purgen, satılan, tökülüb, soyuq, qaynadılmış, turşumağa, potaş
BİZİ İZLƏYİN