Tərkibi:
Xəmir üçün:
1 kq un
20 q quru maya
625 ml su
1 x.q. duz
1 x.q. şəkər tozu (və ya pudrası)
1 x.q. kərə və ya zeytun yağı

(ümumiyyətlə, xəmirin ölçüsü belədir: 250 q una - 156 ml su, 5 q maya, 1 ç.q. duz, 1 ç.q. şəkər pudrası)

İç üçün:
göbələk
soğan
toyuq əti
göyərti
motsarella pendiri

Hazırlanması:
Unu ələyin, ortasında çala düzəldin. Azca su, maya, şəkər tozunu buraya tökün və bir qədər saxlayın. Sonra çəngəllə qarışdırmağa başlayın, suyun qalanını da əlavə edin. Əllərinizlə yoğurmağa başlayın. İri kündə tutun. Üzərində çarpaz kəsim edib bir qaba qoyun, ağzını örtüb isti yerdə 1 saat saxlayın.

Göbələkləri doğrayıb tavaya tökün, azca yağ əlavə edin, suyu çəkilənədək qovurun. Doğranmış soğan əlavə edin. Ocaqdan götürün. Bişmiş toyuq ətinı xırda doğrayın. Motsarella pendirini sürtgəcdən keçirin.

Kündəni iki yerə bölüb yenidən kündələyin. Nazik yayın.
Göbələkləri lavaşın yarısına yayın. Üstünə doğranmış göyərti, sonra toyuq əti qoyun, sürtgəcdən keçirdiyiniz motsarella pendirindən bol-bol səpin. Sonra o biri yarısını üstünə qatlayın. Kənarlarını bükün. Üstünə yağ çəkin. 190 dərəcə qızdırılmış sobada 25-30 dəqiqə bişirin.


Nuş olsun!

---

Etiketlər: əlavə, şəkər, toyuq, başlayın, tökün, Üstünə, Sonra, yayın, Göbələkləri, sürtgəcdən, qoyun, motsarella, saxlayın, göyərti, pudrası, soğan, bölüb, Kündəni, yenidən, kündələyin