Tərkibi:300 q xiyar
1 ç.q. aktiv maya
1 ç.q. şəkər tozu
0,5 ç.q. duz
100 q bərk pendir
450-500 q un
125 ml su
2 budaq təzə şüyüd
bitki yağı (üzərinə çəkməyə)
Hazırlanması:Suyu azca qızdırın, mayanı, şəkər tozunu və azca un əlavə edin. Gəlməsi üçün isti yerə qoyun.
Xiyarları yuyun, tərtəmiz qurulayın. Sürtgəcdən keçirin, azca duz vurun. Əgər qabığı çox qalındırsa, yaxşı olar ki, onu soyasınız. Barata gələndə xiyarı sıxıb şirəsini atın. Şüyüdü xırda doğrayın.
Barataya şüyüdü, xiyarı və sürtgəcdən keçirilmiş pendiri əlavə edin. Əgər çörəkdə pendirin hiss olunmasını istəyirsinizsə, o zaman onu bıçaqla doğrayın, sürtgəcdən keçirməyin. Az-az un qatın, xəmir yoğurun. Xəmir elastik, ələ yapışmayan olmalıdır. Onu bir neçə yerə bölün, kündələyin.
Formanı yağlayın, kündələri formanın içinə yanaşı düzün. Üstünə qida plyonkası çəkib gəlməsini gözləyin. Həcmi təxminən 2 dəfə artanda üstünə bitki yağı çəkin.
200 dərəcə qızdırılmış sobada 1 saat bişirin.
Nuş olsun!
Etiketlər: doğrayın, bitki, sürtgəcdən, şəkər, əlavə, xiyarı, olmalıdır, yapışmayan, bölün, yağlayın, Formanı, kündələyin, elastik, xəmir, bıçaqla, zaman, istəyirsinizsə, keçirməyin, qatın, yoğurun