Tərkibi (12 ədəd üçün):450 q un
45 q kərə yağı
3 x.q. şəkər tozu
225 ml süd
15 q yaş maya (yaxud 7 q quru maya)
1 ç.q. duz
xaş-xaş (üzərinə səpmək üçün)
Hazırlanması:İsti süddə şəkər tozu və mayanı əridin. Bir qədər saxlayın. Unu iri ləyənə ələyin, duz vurun. Mayalı südü və əridilmiş kərə yağını (çox isti olmasın) əlavə edin. Yumşaq xəmir yoğurun, lazım gələrsə, bir qədər də un əlavə edə bilərsiniz. Xəmir olan ləyənin ağzına qida plyonkası çəkib 30-40 dəqiqə saxlayın. Həcmi iki dəfə artacaq.
Xəmiri kündələyib 12 hissəyə bölün. Bunlardan 3 cür (hərəsi 4 ədəd olmaqla) bulka hazırlanacaq.
Birincisi - spirallar. Kündədən 30 sm uzunluqda borucuq düzəldib onu spiral kimi bükün.
İkincisi - düyün. Kündədən 20 sm uzunluqda borucuq düzəldib onu düyün kimi bağlayın.
Üçüncüsü - xaş-xaşlı bulkalar. Yumru kündələrin bir tərəfini (üstünü) çalınmış yumurtaya, sonra isə xaş-xaşa batırın. Sonra iti bıçaqla üzərini dörd bölün.
Spiral bulkaların üzərinə yumurta çəkib şəkər tozu, düyünlərin üzərinə yumurta çəkib un səpin.
Siniyə düzüb əvvəlcədən 190 dərəcə qızdırılmış sobada 20-25 dəqiqə bişirin.
Nuş olsun!
Etiketlər: üzərinə, çəkib, şəkər, yumurta, düyün, əlavə, Kündədən, saxlayın, dəqiqə, bölün, düzəldib, qədər, borucuq, uzunluqda, tərəfini, Yumru, kündələrin, spiral, bulkalar, üstünü