Tərkibi:
Xəmir üçün:3 yumurta
300 q kərə yağı
200 q xama
1 ç.q. soda
3 st. un
İç üçün:200 q yağ
1,5 st. şəkər tozu
1 st. un
vanil
hil (istəyə görə)
Arası üçün:100 q kərə yağı
Üstü üçün:1 yumurta
Hazırlanması:Xəmir üçün olan ərzaqları qarışdıraraq xəmir yoğurun. 10-15 dəqiqə saxlayın.
İç hazırlamaq üçün: çörək taxtasının üzərinə unu, şəkər tozunu, ədviyyatları səpin, üzərinə kərə yağını qoyub bıçaqla döyməyə başlayın. 5-10 dəqiqəyə axıcı quma bənzər qarışıq alınacaq.
Xəmirdən üç kündə tutub sellofana qoyun. Birini 60-70 sm enində, 3-4 mm qalınlığında yayın. Yağı əridib üzərinə çəkin. Üzərinə bərabər qaydada iç səpin.
Oxlovu lavaşın bir başından qoyub lavaşı ehtiyatla bükün, sonra elə çıxardın ki, «rulet» dağılıb, içi çölə tökülməsin. Əlinizlə qaydaya salın. Ruletin kənarlarından tutb azca dartın. Ya da oxlovla yüngülcə üstündən yastılayın. Naxışlı, ya da adi bıçaqla 4-5 sm enində doğrayın.
Üzərinə yumurta çəkin. İstəsəniz, ortasına kişmiş, yaxud fındıq da basa bilərsiniz.
200 dərəcə qızdırılmış sobada bişirin.
Nuş olsun!
Etiketlər: üzərinə, yumurta, qoyub, enində, səpin, çəkin, bıçaqla, şəkər, Xəmir, Üzərinə, Əlinizlə, qaydaya, Ruletin, salın, tökülməsin, sonra, lavaşı, başından, lavaşın, ehtiyatla