Tərkibi (20 ədəd):
Xəmir üçün:250 ml süd
10 q quru maya (və ya 40-50 q yaş maya)
100 q şəkər tozu
100 q kərə yağı
2 yumurta
400-450 q un
0,5 ç.q. duz
İç üçün:500 q kəsmik
100 q xama
70-100 q şəkər tozu
2 ç.q. vanilli şəkər tozu
1 yumurta (üzərinə)
Hazırlanması:Kəsmik yerinə pavidla, yaxud cem götürə bilərsiniz. Həmçinin kəsmikdən istifadə edərkən ona kişmiş, qoz-fındıq və ya sukat əlavə edə bilərsiniz.
Xəmir üçün:Südü ilıq olanadək qızdırın (çox isti olmaz). 1 ç.q. şəkər tozu və maya əlavə edin.
150 q un əlavə edib qarışdırın.
Baratanı isti yerə qoyun (su hamamına da qoymaq olar).
Təxminən 15 dəqiqəyə barata gələcək.
Barata ilə yumurtaları qarışdırın.
Yağ əlavə edib qarışdırın.
Şəkər tozu və duz vurub qarışdırın.
Un əlavə edib xəmir yoğurun. İsti yerə qoyun.
Xəmiri gəlməsi üçün təxminən 30 dəqiqə isti yerdə saxlayın.
Xəmiri bir qədər də isti yerdə saxlayın.
Qalxmağını gözləyin.
İç:Kəsmiyi şəkər tozu və vanilli şəkərlə qarışdırın.
Xama əlavə edib qarışdırın.
Yumurtanı çalın.
Sinini yağlayıb içinə perqament döşəyin. Xəmirdən kündələr tutub yastılayın, siniyə düzün.
Üzərinə yumurta çəkin.
Hər bir kündənin ortasında çala açın.
İç qoyun.
180 dərəcə qızdırılmış sobada 20-25 dəqiqə bişirin.
Nuş olsun!
Etiketlər: əlavə, qarışdırın, şəkər, qoyun, yumurta, saxlayın, bilərsiniz, yerdə, dəqiqə, Xəmir, Xəmiri, vanilli, çalın, Sinini, yağlayıb, Yumurtanı, Qalxmağını, qədər, təxminən, içinə