Tərkibi:
xəmir: 1 fincan qatıq
3 fincan un
1 yumurta
2 x.q. zeytun yağı
2/3 ç.q. soda
1 ç.q. duz
1 ç.q. şəkər tozu
50 q kərə yağı - üzərinə
iç:350 q suluquni pendiri
100 q kəsmik
1 dəstə göyərti
1 yumurta
Hazırlanması:Sobanı 220 dərəcə qızdırın.
Xəmir: yumurta, soda, duz, şəkər tozu, zeytun yağını qatıqla qarışdırın. Bu qarışığı ələnmiş unun üzərinə töküb yoğurun. Lazım gəldikdə un əlavə edin. Ələ yapışmayan xəmir alınmalıdır.
İç: göyərtini xırdalayın, pendiri sürtgəcdən keçirin, kəsmik və yumurta əlavə edib qarışdırın.
Xəmiri 4-8 hissəyə bölün. Yayın, hər birinin ortasına iç qoyun (içi də bərabər qaydada ya 4, ya da 8 yerə bölün). Kənarlarını ortaya qatlayıb bitişdirin.
Hər bir kökəni yayın. Siniyə düzün. Üzərinə ərinmiş kərə yağı çəkin.
Sobanın yuxarı gözündə 15 dəqiqə bişirin. Kökələr bişən zaman üstü xeyli şişə bilər.
Süfrəyə isti-isti verin.
Nuş olsun!
Etiketlər: yumurta, pendiri, kəsmik, qarışdırın, əlavə, üzərinə, bölün, şəkər, fincan, xəmir, zeytun, Üzərinə, yayın, Siniyə, düzün, kökəni, qatlayıb, qoyun, bərabər, ərinmiş