Tərkibi:3 st. un
150 ml süd
1/3 st. ispanaq
2 diş sarımsaq
25 q yaş maya (və ya 1,5 ç.q. quru)
0,5 ç.q. duz
1 ç.q. şəkər tozu
1 yumurta
100 q kərə yağı
Hazırlanması:İlıq südə şəkər tozu, maya və bir qaşıq un tökün. 10 dəqiqə isti yerdə saxlayın.
İspanağı blender və ya ət maşınında xırdalayın.
Mayalı südə yumurta qırın, duz, 30 q kərə yağı, xırdalanmış sarımsaq əlavə edin. Unun bir azını saxlayın (masanın üstünə səpməyə), qalanını az-az əlavə edərək xəmir yoğurun. Elastik xəmir alınmalıdır.
Xəmiri iki yerə ayırın. Birinə ispanaq əlavə edib qarışdırın. Üzərinə dəsmal çəkib bir qıraqda 1 saat saxlayın.
Xəmir iki dəfə qalxmalıdır.
Sonra ağ xəmiri 0,5 sm qalınlıqda yayıb üzərinə kərə yağı çəkin.
İspanaqlı xəmiri də eyni qayda ilə yayıb üzərinə yağ çəkin.
Yaşıl xəmiri ağ xəmirin üstünə qoyub rulet kimi bükün.
Ruleti uzununa iki bölüb spiral kimi bükün.
Sonra halqa kimi uclarını birləşdirin.
Yağlanmış formaya qoyun, üzərinə yağ çəkin. Yarım saat saxladıqdan sonra 180-200 dərəcə qızdırılmış sobada 30-35 dəqiqə bişirin.
Nuş olsun!
Etiketlər: saxlayın, əlavə, xəmiri, üzərinə, çəkin, üstünə, Sonra, bükün, ispanaq, xəmir, şəkər, yayıb, dəqiqə, yumurta, sarımsaq, uzununa, Ruleti, Yaşıl, İspanaqlı, qalınlıqda