Tərkibi: 500 q quzu əti 2 soğan 1 dəstə cəfəri 0,5 dəstə nanə 2 ç.q. cirə 1 ç.q. darçın 1 ç.q. hil 2 x.q. kərə yağı 0,5 st. isti su duz qara istiot
Plov: 2 st. düyü 2 x.q. kərə yağı 2 st. isti su duz
Hazırlanması: Soğanı kubik doğrayın. Cəfəri və nanəni xırdalayın. Cirə və hili həvəngdəstədə döyün. Bir qabda quşbaşı doğranmış əti soğan, cəfəri, nanə, cirə, darçın, hil, duz və qara istiotla qarışdırıb soyuducuda 4-5 saat saxlayın.
Düyünü ilıq duzlu suda 1 saat saxlayın.
Əti soyuducudan çıxarıb odadavamlı, təxminən 15 sm diametrli bir qabın (dəmir tasın) içinə qoyun, sonra dərin tavaya (yaxud qazana) tərs çevirin. Həmin qabın üzərinə uyğun ölçülü ağır bir əşya qoyun. 0,5 st. qaynar su və 2 x.q. kərə yağını tavaya əlavə edin, ocağın üstünə qoyun. Vam odda, suyu azalarsa, əlavə edərək, 2 saat bişirin.
Bu müddət bitdikdən sonra eyni tavaya (ətin üzərini açmadan) 2 st. qaynar su, 2 x.q. kərə yağı əlavə edin. Suda saxladığınız düyünü süzüb tasın kənarı ilə tavaya yerləşdirin. Duz əlavə edin. Qazanın qapağını örtüb düyü suyu çəkənə qədər bişirin.
Hazır olandan sonra ətin üzərindəki tası çıxarın, əti yenidən içinə yığın. Buludun ortasına tərs çevirin. Düyünü ətin kənarı ilə düzün.