• Bu tərəvəz qaraciyərin fəaliyyətini yaxşılaşdırır

Reseptin məlumatları Baxış sayı: 2 540

Tarix : 4-04-2017, 11:00

Bölmə : Faydalı bitkilər


Qaraciyər ən vacib orqanlardan biridir. Ziyanlı maddələri neytrallaşdıran, maddələr mübadiləsi proseslərində mühüm rol oynayan, ödü ifraz edən və bir çox digər funksiyaları yerinə yetirən qaraciyər orqanizmin ümumi sağlamlığında olduqca böyük rol oynayır.
Qaraciyər çox möhkəm, özü özünü bərpa edə bilən orqandır. Lakin əksər müasir insanların həyat tərzi (düzgün olmayan qidalanma, azhərəkətlilik, ziyanlı vərdişlər, ekoloji faktorlar və s.) qaraciyərin sağlamlığına ciddi ziyan vurur.
Sizə qaraciyərin sağlamlığını qoruyan, onun fəaliyyətini yaxşılaşdıran tərəvəz haqqında məlumat vermək istərdik. Bu tərəvəz adi çuğundurdur.
Çuğundur unikal tərəvəzdir. Mədə-bağırsaq sistemi üçün olduqca faydalı olan çuğundur həmçinin çox güclü hepaprotektordur (qaraciyəri qoruyan).
Alimlər çuğundurun tərkibində nadir faydalı maddə "betain" aşkar ediblər. Bu maddə qaraciyərin hüceyrələrində ziyanlı maddələri zərərsizləşdirməyə kömək edir. Nəticədə qaraciyərə olan gərginlik azalır, orqanın funksiyaları yaxşılaşır.
Betain həmçinin çuğundur yarpaqlarında da var. Çuğundur yarpaqları da çox faydalı məhsuldur. Onları çiy halda müxtəlif salatlara əlavə etmək çox yaxşıdır.
Çuğundur və çuğundur yarpaqlarından əlavə betain ispanaq və sarıkökdə də tapılıb.
Qaraciyərdən əlavə betain öd kisəsinə də çox müsbət təsir edir - ödün ifrazını artırır, ödün öd kisəsindən axmasını yaxşılaşdırır ki, bu da durğunluğun, iltihabın və öd daşlarının əmələ gəlməsinin qarşısını alır.
Bəzi araşdırmalar göstərib ki, betainin çoxlu miqdarda qəbulu qadınlarda süd vəzi xərçənginin, kişilərdə prostat vəzi xəstəliklərinin riskini azaldır.
Etiketlər: Çuğundur, faydalı, betain, əlavə, qaraciyərin, çuğundur, Qaraciyər, funksiyaları, olduqca, qoruyan, həmçinin, maddələri, maddə, ziyanlı, tərəvəz, məhsuldur, halda, Onları, etmək, yaxşıdır
BİZİ İZLƏYİN