Tərkibi:1 kq mal əti
1 kq qoyun əti
450 q quyruq
sarımsaq - istəyə görə
duz - istəyə görə
ədviyyat - istəyə görə
bağırsaq - istəyə görə
Hazırlanması:Əti yuyun, suyu tam çəkiləndən sonra xırda kubik doğrayın. Quyruğu da eyni ölçüdə doğrayın. Sarımsağı təmizləyib bacardığınız qədər xırda doğrayın. Hamısını bir ləyənə yığıb, duz və ədviyyat əlavə edib yaxşıca qarışdırın. 6-8 saat soyuducuda saxlayın.
Sonra ət maşınından keçirin və təmizlənmiş bağırsağın içinə doldurun. Bu zaman onun qalınlığını əlinizlə tənzimləyin, bağırsağı çox doldurmaq olmaz, partlayar. Bağırsağın hər iki ucunu iplə bağlayın, üstünü isə nazik, təmiz iynəylə deşin (bişəndə partlamaması üçün).
Sinini ərinmiş quyruqla bol-bol yağlayın. Kolbasanı içinə qoyun, 200 dərəcə qızdırılmış sobada bişirin.
Nuş olsun!
Etiketlər: istəyə, doğrayın, xırda, ədviyyat, içinə, qoyun, Bağırsağın, ucunu, bağlayın, partlayar, üstünü, nazik, doldurmaq, əlinizlə, qalınlığını, tənzimləyin, bağırsağı, təmiz, olmaz, partlamaması