Tərkibi:
Bir yarım su stəkanı kiçik düz makaron
Kifayət qədər su
3 ədəd orta ölçülü bostan badımcanı
4 xörək qaşığı duru yağ
1 xörək qaşığı kərə yağı
1 ədəd kiçik ölçülü soğan
250 qram qıyma
3-4 ədəd incə doğranmış uzunsov bibər
1 çay qaşığı tomat
2-3 budaq yaşıl reyhan
Duz
İstiot

Hazırlanması:
Makaronu duzlu suda qaynadıb süzdükdən sonra qırağa qoyun. Badımcanları ikiyə bölüb içlərini çıxarın. İçlərinə duru yağ sürtün. Əvvəldən isidilmiş 180 dərəcə sobada yüngülcə qızarana qədər bişirin. Kərə yağını əridib incə doğranmış soğanı rəngi dəyişənə qədər qovurun. Üzərinə qıymanı əlavə edin. 5 dəqiqə sonra uzunsov bibər və tomatı əlavə edin. Bibər bir az qovrulunca incə doğranmış pomidor, duz və qara bibəri əlavə edin. Bir neçə dəqiqə sonra qaynadılmış makaronu əlavə edin. 2-3 dəqiqə bişirib kənara qoyun. Sobada yüngülcə bişirdiyiniz badımcanların içinə makaronlu içliyi elavə edin. Bir soba qabına yerləşdirib əvvəldən isidilmiş 180 dərəcə sobada üzərləri qızarana qədər bişirin. Reyhan yarpaqları ilə bəzəyərək servis edin.

Nuş olsun!

---

Etiketlər: əlavə, qədər, dəqiqə, sonra, doğranmış, qaşığı, uzunsov, bibər, qoyun, sobada, bişirin, qızarana, yüngülcə, isidilmiş, dərəcə, xörək, kiçik, ölçülü, Üzərinə, bibəri