Tərkibi:2 badımcan
200 q ağ pendir (brınza)
200 q 33%-li qaymaq
100 q kərə yağı
100 q zeytun yağı
60 q qoz
yarım dəstə reyhan
duz
ağ istiot
1 çimdik şəkər tozu
2 pomidor
Hazırlanması:Badımcanı yuyun, saplağını kəsin, uzununa nazik doğrayın. Duzlayıb 10 dəqiqə saxlayın. Sonra yuyub qurudun, üstünə ağ istiot səpin.
Tavada zeytun yağını qızdırın, sarımsağı uzununa doğrayıb yağa salın, qovurandan sonra çıxarın. Sonra bu yağda badımcanları qızardın, boşqaba düzün.
Pendiri lay-lay doğrayın, üstünə qaynar su töküb 2-3 dəqiqə saxlayın, sonra bu suyu süzüb, soyuq su tökün. 10 dəqiqə saxlayın. Bu müddətdə pendir həm yumşalacaq, həm də izafi duzu çıxacaq. Sonra pendiri blenderdən keçirin.
Qozu və reyhanı xırda doğrayın.
Əzilmiş pendirin içinə 2 x.q. zeytun yağı əlavə edib qarışdırın. Qaymağı möhkəm çalın, pendirə əlavə edib qarışdırın, xırdalanmış qoz və reyhanı, 1 çimdik şəkər pudrasını əlavə edib qarışdırın.
Saxsı formaların (diametri 10 sm) içinə zeytun yağı çəkin, badımcanları dövrələmə içinə düzün.
Ortasına iç qoyun. Badımcanın formadan kənara çıxan hissələrini üstünə qatlayın. 2 saat soyuducuda saxlayın.
Süfrəyə verməzdən əvvəl pomidorları dilimləyin, boşqabın ortasına düzün, üstünə zeytun yağı gəzdirin. Donmuş tianı bunun üstünə qoyun. Üzərini qoz ləpəsi və göyərti ilə bəzəyin. Tianı dilimləyə də bilərsiniz.
Nuş olsun!
Etiketlər: zeytun, üstünə, saxlayın, doğrayın, düzün, qarışdırın, içinə, dəqiqə, Sonra, əlavə, qoyun, uzununa, badımcanları, şəkər, reyhanı, istiot, çimdik, pendir, sonra, formadan