Tərkibi:
400 q hazır balıq filesi
2 x.q. xırda doğranmış krevetka
1 x.q. xırda doğranmış şüyüd
1 x.q. qovrulmuş soğan
duz
istiot
dondurulmuş kərə yağı
200 q ağ çörək batonu
2 x.q. un
1 yumurta
qızartmaq üçün bitki yağı

Hazırlanması:
Hazır balıq filesi: balıq ətini ət maşınından keçirin, qovrulmuş soğan və qaymaqda isladılmış çörək, çalınmış yumurta ağı, duz, istiotla qarışdırın.

İç üçün müxtəlif ərzaqlar götürə bilərsiniz - göbələk, bişmiş yumurta, kərə yağı və göyərti, pomidor və s.

İç üçün: xırda doğranmış krevetka, şüyüt və qovrulmuş soğanı qarışdırın, duz, istiot vurun.

Batonu kubik doğrayın, sobada qurudun, amma çalışın, rəngini dəyişməsin.

Unu yastı boşqaba tökün. Ayrı bir kasada yumurtanı çalın.
Əlinizi arada isti suda islatmaqla balıq qiyməsindən kotlet tutun. Ortasına 1-2 ç.q. iç, için ortasına isə bir parça dondurulmuş kərə yağı qoyun. Hamarlayın, yumru kürə düzəldin, əvvəlcə una, sonra yumurtaya, axırda da suxarılara batırın. Çalışın, suxarılar kotletin üzərini tamamilə örtsün.

Bitki yağını fritür qabına, yaxud dərin tavaya tökün. Yağ kotletin heç olmasa yarısına çatmalıdır. Kotletləri qızılı rəng alanadək qızardın (təxminən hər birini yarım dəqiqə). Sonra siniyə yığıb sobada orta temperaturda 15-20 dəqiqə bişirin.

Sonraya saxlamayın, isti-isti yeyin, çünki qızdıranda lazımi dadı vermir.


Nuş olsun!

---

Etiketlər: balıq, qovrulmuş, yumurta, xırda, doğranmış, tökün, dəqiqə, kotletin, sobada, qarışdırın, dondurulmuş, çörək, istiot, krevetka, filesi, soğan, dərin, üzərini, tamamilə, Bitki