Tərkibi:500 q basmati düyüsü
750 q boranı
3 x.q. duz
sarıkök
2 x.q. xama
20 q kərə yağı
80 q ərinmiş yağ
1 yumurta
Hazırlanması:3 l su qaynadın. 3 x.q. duz əlavə edin. Su qaynayanda düyünü tökün, arada qarışdıra-qarışdıra, yarımbişmiş hala gələndə kubik doğranmış boranını əlavə edin, qarışdırın, 3 dəqiqə bişirin.
Süzün.
Boranı diri qalmalıdır. Azca sarıkök əlavə edin, ehtiyatla qarışdırın.
Qazmaq:Dərin kasaya 1 yumurta qırın, 2 x.q. xama və 4 x.q. süzülmüş düyü əlavə edin (çalışın, içinə boranı qarışmasın, yoxsa yanar), qarışdırın.
İri qazanın dibinə 80 q ərinmiş yağ qoyun.
Qaynara düşəndə ocağı azaldın, yumurtalı qarışığı (qazmağı) tökün, hamarlayın, qazanın qapağını örtün, 3-5 dəqiqə bişirin.
Süzülmüş düyünü əlavə edin, əzmədən hamarlayın. Düyünün üstünə parça-parça kərə yağı qoyun.
Qazanın qapağına təmiz, nəm dəsmal çəkin, qazanın ağzını örtün. Ya da qapağa xüsusi "papaq" geydirin. Zəif odda plovu 45 dəqiqə dəmləyin.
Qazmaq asan çıxsın deyə qazanı ocaqdan götürəndə yaş dəsmalın üstünə qoyun.
Boşqaba düyü çəkin, qazmağı bölüb üstünə düzün.
Qarniri yanında, yaxud buluddakı plov təpəciyinin üstündə verin.
Nuş olsun!
Etiketlər: əlavə, qoyun, üstünə, qarışdırın, dəqiqə, qazanın, Qazmaq, çəkin, qarışdıra, tökün, bişirin, parça, düyünü, yumurta, sarıkök, boranı, örtün, hamarlayın, ərinmiş, qazmağı