Tərkibi:1 kq qabaq
500 q qiymə
200 q soğan
5 x.q. tomat pastası və ya ketçup
150 q pendir
bitki yağı
duz
istiot
Hazırlanması:Soğanı xırda doğrayın. Bitki yağında qızardın. Qiymə əlavə edib 5-7 dəqiqə qovurun. Tomat pastası, duz, istiot əlavə edib daha 5-7 dəqiqə qovurun.
Əgər qabağın qabığı bərkdirsə, onu soymaq lazımdır. Qabağı 5 mm qalınlıqlı dilimlərə doğrayın.
Pendiri sürtgəcin orta gözündən keçirin.
Siniyə (ölçüsü 15x20 sm) bir cərgə qabağın 1/3-ni düzün. Azca duz səpin. Bunun üstünə qiymənin yarısını döşəyin.
Qiymənin üstünə yerdə qalan qabağın yarısını düzüb azca duz səpin. Sonra qiymənin qalanını, lap sonda isə yenə də qabaq döşəyin.
Üstünə pendir səpib sobaya qoyun. Sobanı əvvəlcədən qızdırmaq lazım deyil. 180 dərəcə temperaturda 30-35 dəqiqə bişirin.
Bir az soyuyandan sonra kəsib boşqablara çəkin.
Nuş olsun!
Etiketlər: qabağın, dəqiqə, döşəyin, qabaq, əlavə, yarısını, qiymənin, səpin, üstünə, doğrayın, qovurun, pendir, pastası, istiot, Sonra, düzüb, qalanını, sonda, Üstünə, qalan