Tərkibi:500 q qabaq
300 q qiymə
20-30 q qurudulmuş ağ göbələk (təzəsi də olar)
100 q qaynadılmış düyü
100 q pendir
100 q soğan
duz
istiot
bitki yağı
Hazırlanması:Göbələk qurusunun üzərinə qaynar su töküb 30 dəqiqə saxlayın. Qabaqları 3 sm enində doğrayın. Hər hissənin dibini zədələməmək şərtilə çay qaşığının köməyilə içini çıxarın. İçini xırdalayın.
Soğanı, göbələyi xırda doğrayın. Soğanı bitki yağında qızardın. Qiymə əlavə edin. Sonra göbələkləri, daha sonra isə qabağın lətini əlavə edin. Duzlayıb istiotlayın, 25 dəqiqə qovurun. Qaynadılmış düyü əlavə edib qarışdırın, ocaqdan götürün. Azca soyudun.
Pendiri sürtgəcin xırda gözündən keçirin. Qabaq "çəlləklərinin" içini doldurun. Üzərinə pendir səpin. Siniyə düzüb sobaya qoyun.
180 dərəcə qızdırılmış sobada 25-30 dəqiqə bişirin.
Nuş olsun!
Etiketlər: dəqiqə, əlavə, doğrayın, bitki, içini, Soğanı, pendir, xırda, ocaqdan, qarışdırın, götürün, soyudun, sürtgəcin, Pendiri, Qaynadılmış, qovurun, sonra, göbələkləri, qabağın, lətini