Tərkibi:
Qoyun əti: 330 qram
Baş soğan: 100 qram
Yağ: 25 qram
Abqora: 10 qram və ya limon duzu: 0,3 qram
Zəfəran
Yaşıl ispanaq: 50 qram
İspanaq
Keşniş
Kəvər
Şüyüd
Duz

Hazırlanması:
Səbzi qovurma bişirmək üçün əvvəlcə qoyun cəmdəyinin bel hissəsindən və ya bud hissəsindən ət götürülür. Bu ət təqribən 25-30 qramlıq tikələrə doğranılır. Götürülən ətin sümüksüz olmasına diqqət yetirmək lazımdır. Doğranılan bu qoyun əti tikələri yağda qızardılır.

Baş soğanlar soyulur, doğranılır. Doğranılan soğanlar yağda yüngül qızardılır.

Yağda qızardılan soğanlar da qovrulmuş qoyun ətinə əlavə edilir və qarışdırılır. Bundan sonra soğanlı ətə abroqa və ya limon duzu, zəfəran şirəsi vurulur və qarışdırılır. Qazanın qapağı örtülür. Xörəkyin öz buxarında bişməsi məsləhətdir. Xörək bişənə yaxın (bişməsinə təqribən 5 dəqiqə qalanda) əvvəlcədən kiçik ölçüdə doğradığımız keşniş, kəvər, ispanaq vurulur və qarışdırılır. İstəyə görə başqa göyərti də əlavə etmək mümkündür.

Xörək bişib hazır olduqdan sonra süfrəyə isti halda verilir. Süfrəyə verilən xörəyin üzərinə kiçik – kiçik doğranmış təzə şüyüd səpilir.

Səbzi qovurma süfrəyə plovla birlikdə verilir.

Plov adi qaydada hazırlanır. Belə ki…

Plovu hazırlamaq üçün əvvəlcə duyu ayırtlanır. Biraz suda gözlədilir və suyu bir neçə dəfə dəyişdirilir. Bundan sonra düyü temperaturu 60 dərəcə olan duzlu suda gözlədilir.

Bir qazanda su qaynadılır. Yuyulub biraz suda gözlədilən düyünün suyu süzülür və qaynar suya əlavə edilir. Burada düyü bişənə qədər qaynayır.

Düyünün əzilməməsinə, dənələrin diri qalmasına diqqət yetirmək lazımdır.

Bişib hazır olan düyü, suyu süzülür və geniş bir qazanda dəmə qoyulur.



Nuş olsun!

---

Etiketlər: soğanlar, sonra, əlavə, qarışdırılır, kiçik, qoyun, yetirmək, diqqət, lazımdır, Doğranılan, yağda, qızardılır, edilir, Bundan, gözlədilir, qazanda, süzülür, verilir, süfrəyə, vurulur