Tərkibi:
1 l süd
1 kq kəsmik
1 ədəd yumurta, yaxud 2 yumurtanın ağı
100-130 q kərə yağı
Duz və soda (çay qaşığının ucunda)
1 metr təmiz marli

Hazırlanması:
Əvvəlcə marlini soyuq suda isladıb yaxşıca sıxırıq, dərin qazanın içinə 2 qat edib səririk.
Südü qaynadırıq, qaynadandan sonra içinə kəsmiyi töküb 8-10 dəqiqə dayanmadan qarışdırırıq. Qarışdırmağa ara verməyin, məhlul çürüyəcək.
Sonra həmin məhlulu isti-isti marlinin üzərinə tökürük, ağzını bükürük. Bizə rahat bir yerdə asırıq ki, suyu tam süzülsün.
20-30 dəqiqə sonra suyu tam süzüləcək.
Yağı, yumurtanı, duzu, sodanı mikserlə çalıb üzərinə süzdüyümüz kəsmiyi tökürük. Yaxşıca qarışdırırıq ki, ərzaqlar həll olunsun.
Şəkildə gördüyünüz forma alınmalıdır.
Su hamamı hazırlayırıq, qarışığı boş qaba qoyub su hamamına qoyuruq. 5-6 dəqiqə qaşıqla qarışdırırıq.
Yağı əriməyə başlayanda su hamamından götürürük. Yağın tam əriyib axmasına imkan verməyin.
Boşqabı azca yağlayıb məhlulu ona yayırıq və 2 saat bərkiməsi üçün soyuducuya qoyuruq.
Hazırlanması sadə, dadı unudulmaz ev pendirimiz hazırdır.

Qeyd: Pendirin ağ olmasını istəyənlər 2 yumurta ağı və 80 q yağ, sarı olmasını istəyənlər mənim kimi 1 yumurta və 100 q yağ vursunlar.

Nuş olsun!

---

Etiketlər: marlidən, marli, qarışdırırıq, yumurta, dəqiqə, sonra, Hazırlanması, içinə, məhlulu, verməyin, kəsmiyi, üzərinə, istəyənlər, olmasını, qoyuruq, tökürük, qarışığı, hamamına, qaşıqla, qoyub, alınmalıdır, Yaxşıca