Tərkibi:
Patokalı xəmir üçün:
230 q un
0,5 ç.q. soda
0,5 ç.q. darçın
1/4 ç.q. üyüdülmüş muskat cevizi
1/4 ç.q. üyüdülmüş mixək
90 q kərə yağı (otaq temperaturunda)
60 q qəhvəyi şəkər tozu (adisi də olar)
3 yumurtanın sarısı
200 q tünd patoka
100 q qatıq və ya xama

Limonlu xəmir üçün:
230 q un
0,5 ç.q. soda
90 q kərə yağı (otaq temperaturunda)
200 q şəkər tozu (adisi də olar)
1 ortaboy limonun sedrası (sürtgəcdən keçirilmiş)
1 st. limon şirəsi
200 q qatıq və ya xama
3 yumurtanın ağı
1 çimdik duz

Hazırlanması:
Patokalı xəmir: Unu ədviyyat və soda ilə birlikdə ələkdən keçirin. Bir kənara qoyun.

Kərə yağını şəkər tozu ilə krem halına gələnədək çalın. Bir-bir yumurtanın sarısını əlavə edərək hər birindən sonra çalın.

Qatıq və patoka əlavə edin.


Eynicinsli kütlə alınanadək çalın. Un qarışığını əlavə edib çalın. Bir kənara qoyun.

Limonlu xəmir: Unu soda ilə birlikdə ələkdən keçirin.

Yağı şəkər tozu, limon şirəsi və sedra ilə çalın. Qatıq əlavə edib bir daha çalın.


Un qarışığını əlavə edib eynicinsli kütlə alınanadək çalın.
Yumurta ağını ayrıca, azca duz əlavə edərək möhkəm çalın (beze kimi).


Səliqə ilə xəmirə əlavə edib qarışdırın.


Yağlanmış siniyə növbəli şəkildə patokalı və limonlu xəmiri qoyun (bir neçə hissəni növbələyin).


Bir çöp götürüb xəmirə batırın, mərmər effekti yaratmaq üçün 3-4 dəfə sağa-sola (xaotik) gəzdirin.

180 dərəcə qızdırılmış sobada təxminən 1 saat bişirin. Bişib-bişmədiyini kibrit çöpü ilə yoxlayın.

Bişəndən sonra dəmir şəbəkənin üstünə çevirin, soyudun.


Patokalı xəmir açıq rəngli alınır, ancaq bişəndə rəngi tündləşir.

Nuş olsun!

---

Etiketlər: çalın, əlavə, xəmir, şəkər, Patokalı, qoyun, yumurtanın, ələkdən, şirəsi, birlikdə, kənara, edərək, qarışığını, xəmirə, alınanadək, kütlə, sonra, Qatıq, limon, keçirin