• Neapol bükməsi resepti - FOTO RESEPT

Reseptin məlumatları Baxış sayı: 15 990

Tarix : 5-08-2016, 10:00

Bölmə : Peçenye reseptləri / Foto reseptlər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
500 q əla növ un
190 ml su
15 q bal
10 q duz
100 q kərə yağı
150 q mannı yarması
400 ml süd və ya su
200 q şəkər tozu
150 q sukat
250 q rikotta (hazırlanma qaydası var, yaxud da kəsmik götürün)
vanil
darçın

Hazırlanması:
Öncə rikottanın hazırlanma qaydası: Səhər çağı dondurucu kameraya bir qutu (kağız qablaşdırmada) qatıq qoyursunuz. Axşam donmuş qatığı çıxarıb üzərinin qutusunu soyun, kərpic kimi qatığı durşlaqin içinə qoyun. Səhərə qədər suyu süzüləcək və əla kəsmik alınacaq (ayranını atmayın, digər bişmişlərdə süd və ya su yerinə işlədə bilərsiniz).

190 ml suda duzu əridin. Ələnmiş unu və balı qatıb xəmir yoğurun. Sözün düzü, bu qədər az maye ilə xəmir yoğurmuq həddən artıq çətindir. Ona görə də unu az-az əlavə etmək daha yaxşı olar. Ancaq bütün reseptlərdə unla suyun miqdarı yalnız bu cür göstərilib.
Xəmirə kərə yağı çəkib qida plyonkasına bükün. 2 saat saxlayın.
Xəmiri kağız naziklikdə, 2 m uzunluqda yayın. (Xüsusi ravioli maşınınız (xəmiryayan) varsa, ondan istifadə edin). Onun qalınlığı və eni hər yerdə eyni olmalıdır. Xəmir şəridini üst-üstə qoymaq, yaxud da oxlova dolamaq olar, yapışmır.
Sonra bu lentin üzərinə yumşaldılmış yağ çəkib içində hava qalmayacaq dərəcədə çox sıx rulet kimi bükün.
Bu ruleti soyuducuda 1 saat saxlayın.

İç:
Qatı mannı sıyığı bişirin: soyuq südə duzla mannı yarması tökün, qaynara düşəndən sonra 3-5 dəqiqə qaynadın. Soyudun. Şəkər tozu (daha yaxşısı - şəkər pudrası) qatın, rikotta, sukat, darçın, vanil əlavə edib qarışdırın.
Xəmiri soyuducudan çıxarın. Hamar olmayan ucunu kəsin. Sonra 1 sm qalınlıqda dilimlərə doğrayın.
İndi isə hər dilimdən konus düzəltmək lazımdır. Bunun üçün dilimi əlinizə götürün, baş barmağınızı mərkəzə qoyun, digər barmaqlarınızın köməyilə xəmiri fırladaraq kənarlarını ehmalca aşağı çəkin. Elə edin ki, qatlar bir-birindən çox aralanmasın.
Dərhal içini doldurub siniyə düzün. Hamısını bu qaydada hazırladıqdan sonra üzərinə yumurta çəkib 180 dərəcə qızdırılmış sobada 20 dəqiqə bişirin.
Soyuduqdan sonra üzərinə şəkər pudrası səpin.

Neapol bükməsi resepti - FOTO RESEPT

Neapol bükməsi resepti - FOTO RESEPT

Neapol bükməsi resepti - FOTO RESEPT

Neapol bükməsi resepti - FOTO RESEPT

Neapol bükməsi resepti - FOTO RESEPT

Neapol bükməsi resepti - FOTO RESEPT

Neapol bükməsi resepti - FOTO RESEPT


Nuş olsun!
Etiketlər: sonra, çəkib, üzərinə, mannı, şəkər, bişirin, pudrası, saxlayın, qatığı, bükün, xəmir, rikotta, yarması, dəqiqə, Xəmiri, qədər, kağız, götürün, vanil, kəsmik
BİZİ İZLƏYİN