• Ocaqda Gəncə paxlavası resepti - FOTO RESEPT

Reseptin məlumatları Baxış sayı: 55 151

Tarix : 17-03-2017, 17:00

Bölmə : Şərbətli şirniyyatlar / Foto reseptlər

Mətbəx : Gəncə mətbəxi

Hazırlanma vaxtı : Yox

Nəfər sayı : Yox

Şef / Mənbə : Turaz xanım


Tərkibi (iri məcməyi üçün):
Xəmir üçün:

1 kq un
5 yumurta
100 q ərinmiş yağ
50 q gül suyu
azca su

İç üçün:
qoz
şəkər tozu
hil

Arası üçün:
1 kq kərə yağı

Şərbət üçün:
1 l su
1 kq şəkər tozu

Üzəri üçün:
zəfəran
qoz
xaş-xaş

Hazırlanması:
Təmizlənmiş qozu maşından keçirib şəkər tozu və hillə qarışdırın.
Ocaqda Gəncə paxlavası resepti - FOTO RESEPT

Ocaqda Gəncə paxlavası resepti - FOTO RESEPT


Xəmir üçün olan ərzaqları qarışdırıb xəmir yoğurun. Üzərinə nəm dəsmal çəkib təxminən yarım saat saxlayın.
Ocaqda Gəncə paxlavası resepti - FOTO RESEPT


Xəmiri 9 yerə bölüb kündələyin, birini daha iri tutun (altı üçün). İri kündəni məcməyidən bir qədər iri böyüklükdə nazik yayın. Paxlava xəmiri istidə yayılanda cırılır, odur ki, soyuq otaqda yayın.
Ocaqda Gəncə paxlavası resepti - FOTO RESEPT


Məcməyini yağlayın. Yaydığınız lavaşı içinə döşəyin, kənarları azca sallansın.

Üzərinə iç qoyub bərabər yayın.

Digər kündələri məcməyi boyda yayıb, prosesi təkrarlayın. Son lavaşı paxlavanın üzərinə çəkib, kənarlardan sallanan birinci lavaşın qırağını qatlayıb altına salın.

Sonra paxlavanı doğrayın. Əvvəlcə nişanlayın, sonra doğrayın. Çalışın ki, altdakı xəmirlə qoz yuxarı çıxmasın. Bunun üçün iti bıçağı arada suya batırın (əla bir üsul da var - bıçağı odda qızdırıb paxlavanı kəsmək).
Ocaqda Gəncə paxlavası resepti - FOTO RESEPT


Ocaqda Gəncə paxlavası resepti - FOTO RESEPT


10 q zəfəranı həvəngdəstədə döyün, çay kimi dəmləyin. Sonra şotka ilə ehtiyatla paxlavanın üzərinə çəkin.
Ocaqda Gəncə paxlavası resepti - FOTO RESEPT


Ağ xaş-xaş yoxdursa, qara xaş-xaşın üstünə qaynar su tökün, sonra dəsmalın arasında qurudun. Sonra paxlava romblarının aşağı və yuxarı hissələrinə azacıq səpin. Ortalarına qoz, yaxud badam basın.

Gəncə paxlavası ocaqda bişir. Ocağı qalayıb köz salanda kənarlarına 4 qırmızı kərpic düzüb məcməyini üstünə qoyun. Amma əvvəlcədən ortadakı közü azacıq dağıdın, yaxud kənara çəkin ki, ortası yanmasın.
Ocaqda Gəncə paxlavası resepti - FOTO RESEPT

[center]Ocaqda Gəncə paxlavası resepti - FOTO RESEPT


Ocaqda Gəncə paxlavası resepti - FOTO RESEPT[/center]

Bir müddət sonra paxlavanın ətri yayılır, deməli, üzərinə ərinmiş yağ gəzdirmək lazımdır ki, layları yaxşıca qızarıb bişsin. Bıçaqla kənarından qaldırıb paxlavanın rəngini yoxlayın.
Ocaqda Gəncə paxlavası resepti - FOTO RESEPT


Altı bişməyə yaxındırsa, üstünü də bişirmək lazımdır. Məcməyinin kənarına 4 şiş düzün, üzərinə də başqa məcməyini çevirin (şiş ona görə düzülür ki, üstdəki məcməyi paxlavanı əzməsin). Altdakı közdən götürüb üstdəki məcməyinin üstünə tökün (altda da bir az qalsın).
Ocaqda Gəncə paxlavası resepti - FOTO RESEPT


Bişəndən sonra təxminən 2 l qaynar şərbəti paxlavanın üzərinə gəzdirin. Soyuyandan sonra bir də doğrayın.
Ocaqda Gəncə paxlavası resepti - FOTO RESEPT


Bu resept ocaqda paxlava bişirməyə şəraiti olanlar üçündür. Kimdə belə şərait yoxdursa, kefini pozmasın. Sobada da bişirmək olar, özü də fərqli paxlavalar: badamla, qozla, yaşıl fıstıqla, hətta qarışıq.
Ocaqda Gəncə paxlavası resepti - FOTO RESEPT


Nuş olsun!
Etiketlər: üzərinə, paxlavanın, sonra, doğrayın, yayın, paxlavanı, Sonra, üstünə, şəkər, məcməyi, yoxdursa, yuxarı, lavaşı, bıçağı, tökün, center, lazımdır, bişirmək, üstdəki, məcməyini
BİZİ İZLƏYİN