Tərkibi:
Xəmir üçün:
3 st. şəkər tozu
100 q kakao
5 yumurta
150 q yağ
1 paket vanilli şəkər
1,5 ç.q. soda
3 st. un
700 ml qatıq
istənilən meyvə likörü və ya siropu

Krem üçün:
2 banka bişmiş qatılaşdırılmış süd
250 q kərə yağı

Hazırlanması:
3 stəkan şəkər tozunu 100 q kakao ilə yaxşıca qarışdırın. 5 yumurta əlavə edib eynicinsli kütlə alınanadək qarışdırın.

Kərə yağını əridin, isti-isti (qaynar yox!) şokoladlı qarışığa əlavə edin, qarışdırın.

Vanilli şəkər qatıb qarışdırın, qatığın hamısını tökün.

1,5 ç.q. sodanı sirkədə öldürüb dərhal xəmirə əlavə edin, dərhal da qarışdırıb un əlavə edin. Xəmir eynicinsli, oladi xəmiri və ya qatı xama kimi olmalıdır. Əgər un azlıq edərsə, bir az əlavə edin.


Sininin içinə perqament döşəyin, yağlayın. Xəmirdən 10 iri xörək qaşığı ilə götürüb siniyə tökün, 180 dərəcə qızdırılmış sobada 30 dəqiqə bişirin. Bişib-bişmədiyini diş çöpü ilə yoxlayın.

Bu qayda ilə bütün korjları bişirin.

Korjları soyudun, hər birinə likör və ya şərbət hopdurun.

Krem üçün kərə yağını qatılaşdırılmış südlə çalın (əvvəlcə kərə yağını çalın, sonra qaşıq-qaşıq qatılaşdırılmış süd əlavə edərək çalın). Qatılaşdırılmış südün hamısını birdəfəyə əlavə etməyin, yoxsa krem çox duru alınacaq.


Korjların birini saxlayın, digərlərinin üzərinə krem çəkib üst-üstə yığın.


Bir korju xırdalayıb ovuntuq edin.

Tortun üstünə və kənarlarına ovuntuq səpin.


Tortu soyuducuda minimum 4 saat, ən yaxşısı - bir gecə saxlayın.


Nuş olsun!

---

Etiketlər: əlavə, qarışdırın, şəkər, çalın, yağını, qatılaşdırılmış, saxlayın, qaşıq, ovuntuq, hamısını, kakao, Xəmir, yumurta, bişirin, tökün, eynicinsli, dərhal, edərək, Qatılaşdırılmış, südlə