• Praqa tortu resepti

Reseptin məlumatları Baxış sayı: 84 080

Tarix : 21-11-2014, 15:00

Bölmə : Şirniyyatlar / Tort reseptləri

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
1,5 st. un
2 yumurta
1 st. xama
1/2 ç.q. soda
1 st. şəkər tozu
3 ç.q. kakao

Krem üçün:
100 q kərə yağı
yarım banka qatılaşdırılmış süd
2 ç.q. kakao

Qlazur üçün:
3-4 x.q. xama
3-4 x.q. şəkər tozu
1 ç.q. kakao

Hazırlanması:
Yumurtanın ağını sarısından ayırın. Xamanın içinə soda əlavə edin. Yumurtanın ağını şəkər tozu ilə çalın. Sonra xamanı, yumurta sarısını, kakao və unu əlavə edib yaxşıca qarışdırın.

Siniyə perqament döşəyib onu bitki yağı ilə yağlayın. Xəmiri siniyə töküb soyuq sobaya qoyun. Sonra 180 dərəcə isti ayarlayıb biskviti 30 dəqiqə bişirin.
Hazır biskviti eninə 3-4 yerə bölün.
Krem üçün kərə yağı, qatılaşdırılmış süd və kakaonu mikserlə çalın. Hər korjun üstünə krem çəkərək üst-üstə qoyun.
Qlazur üçün nəzərdə tutulan ərzağı qarışdırıb zəif odda daim qarışdıraraq 5 dəqiqə bişirin. Tortun üzərinə şokoladlı qlazur çəkin. Hazırdır.

Nuş olsun!
Etiketlər: kakao, şəkər, qatılaşdırılmış, çalın, əlavə, dəqiqə, biskviti, ağını, bişirin, qoyun, Sonra, banka, Yumurtanın, Qlazur, yarım, yumurta, mikserlə, korjun, üstünə, kakaonu
BİZİ İZLƏYİN