Tərkibi:2 iri pomidor
2 iri badımcan
2 x.q. zeytun yağı
1 orta boy soğan
4 diş sarımsaq
1 ç.q. kəklikotu
1 l toyuq bulyonu
60 ml 20-30%-li qaymaq
100 q feta
duz
istiot
Hazırlanması:Pomidor və badımcanları yarı bölüb siniyə düzün. Üzərinə zeytun yağı çəkib, duz, istiot səpin.
Sinini 200 dərəcə qızdırılmış sobaya qoyun, tərəvəzləri 40 dəqiqə bişirin.
Soğanı yarımhalqa, sarımsağı xırda doğrayın.
Tavada 1 x.q. bitki yağında soğanla sarımsağı qarışdıra-qarışdıra 4-5 dəqiqə qovurun.
Sobadakı tərəvəzləri çıxarıb qabığını soyun.
Tavadakı soğan-sarımsağa əlavə edin, bulyon, kəklikotu, lazım gələrsə, duz əlavə edin. Qaynara düşəndə qapağını örtün, ocağı azaldıb 20 dəqiqə bişirin.
Dərin qaba tökün (əgər qazanda bişirmisinizsə, başqa qaba boşaltmağa gərək yoxdur). Qaymaq əlavə edib blender vasitəsilə xırdalayın.
Duzunu yoxlayın, azdırsa, əlavə edin.
Boşqablara çəkin, üzərinə xırdalanmış feta pendiri səpin.
Nuş olsun!
Etiketlər: əlavə, dəqiqə, tərəvəzləri, səpin, bişirin, sarımsağı, istiot, qarışdıra, kəklikotu, soğan, zeytun, Dərin, tökün, qazanda, başqa, bişirmisinizsə, azaldıb, örtün, lazım, bulyon