Sirkə tək qış tədarükü və un məmulatların hazırlanmasında deyil, müxtəlif məişət işlərində də çox uğurla istifadə olunur.

1. Tərdən və dezodorandan qalmış ləkələrin təmizlənməsi
Paltarları paltaryuyan maşınına qoyduqdan əvvəl ləkələri sirkədə isladın və 10 dəqiqə saxlayın. Daha sonra paltarları adi qaydada yuyun.

2. Soyuducudan pis qoxunun aparılaması
Sirkəni su ilə yarıbayarı qarışdırın və soyuducunun iç divarlarını və reflərini bu məhlulda isladılmış əski ilə silin.

3. Qəhvə və çay fincanlarından ərpin təmizlənməsi
Sodanı sirkə ilə qarışdırın və fincanların içərisini təmizləyin.

4. Plastik konteynerlərdən pis qoxunun aparılması
Bəzən bağlı qalmış plastik konteynerlərdə spesifik qoxu əmələ gəlir. Bu qoxunu yox etmək üçün sirkədə əski isladın və konteynerlərin içərisini silin.

5. Sirkə çox yaxşı dezinfeksiya edici vasitədir
Sirkənin soda ilə qarışığı ilə istənilən səthləri təmizləmək və dezinfeksiya etmək mümkündür. Bu qarışıqla mətbəxi, hamam-tualeti dezinfeksiya edə bilərsiniz. Ucuz, ziyansız və effektli!

6. Unitazdan sarı ərpin aparılması
Axşam unitaza 1 stəkan ağ sirkə tökün və səhərə qədər saxlayın, sonta isə xüsusi şotka ilə təmizləyin və bir neçə dəfə su buraxın.

7. Xalçaların təmizlənməsi və yenilənməsi
Ağ sirkəni soda və ya duzla qarışdırın və alınmış pastada süngər (qubka) isladıb yaxşı təmizləyin. Quruyandan sonra xalçanı tozsoranla yaxşı təmizləyin.

8. Corablardan qoxunun aparılması
Corabları isladanda 5 l suya 1/2 stəkan sirkə əlavə edin.

9. Gül dəstəsinin daha çox qalması üçün
Suya 1 xörək qaşığı sirkə və 1 çay qaşığı şəkər tozu əlavə edin.

10. Yapışqanın izlərinin aparılması
Təzə şüşə qabların (güldan, bokal, stəkan və s.) üzərinə yapışdırılmış qiymət və s. kağızları asan aparmaq üçün sirkəni bir qədər qızdırın, sirkədə pambıq isladın və kağızın üzərinə qoyun.

11. Saçları yuyanda...
Son dəfə saçları yaxaladıqda 1 l suya 2 xörək qaşığı alma və ya üzüm sirkəsi əlavə edin və saçlarınızı yaxalayın. Saçlar yumşaq, itaətli və parlaq olacaq.

12. Qarışqalarla mübarizə
Mətbəxdəki şkafların bütün səthlərini, döşəməni sirkə əlavə olunmuş su ilə silin. Bunu bir neçə gün ərzində etmək lazımdır.

---

Etiketlər: sirkə, təmizləyin, aparılması, əlavə, sirkədə, isladın, qarışdırın, qoxunun, stəkan, qaşığı, dezinfeksiya, yaxşı, etmək, təmizlənməsi, silin, ərpin, üzərinə, sonra, xörək, sirkəni