Tərkibi:
300 qr sümüksüz mal əti
3 stəkan uzun düyü
2 ədəd pomidor
2 ədəd soğan
1 ədəd bibər
yarım ç/q limon duzu
zeytun yağı
duz

Hazırlanması:
1. Mal əti yuyulur, xırda şəkildə doğranılıb suda bişirilir.

2. Soğan soyulur, doğranılır.

3. Tavaya yağ tökülür, soğan biraz qızardılır.

4. Pomidorun qabığı təmizlənir, doğranılır soğanın üzərinə əlavə edilir.

5. Bibər nazik, uzun formada doğranılır və soğana əlavə edilir.

6. Pomidor, bibər biraz yumuşaldıqda tikə ət əlavə olunur biraz qovrulur.

7. Ət biraz qovrulduqdan sonra üzərinə ətin suyu əlavə olunub duz vurulur. Ətin suyu tam gedənə kimi bişirilir.

8. Plovu hazırlamaq üçün düyü yaxşı yuyulur, 1 saat suda saxlanılır. Sonra suyu süzülür.

9. Qazana yağ əlavə olunur üzərinə düyü əlavə olunub 5 dəqiqə qovrulur.

10. Düyü biraz qovrulduqdan sonra (düyünün rəngi dəyişməməlidi) düyünün üzərini bağlayacaq qədər qaynar su əlavə olunur.

11. Düyüyə limon duzu, xörək duzu əlavə edilib bir dəfə qarışdırılır.

12. Qazanın qabağı bərk bağlanır, aşağı istilikdə bişirilir.

13. Düyünün suyu şəkildikdə qazdan götürülür (əgər düyü tam bişməyibsə yenıdən biraz su əlavə edilib bişirilir).

14. Yemeyi süfrəyə vererkən yaxşı görnüşün olmasını istəyirsinizsə plovu kiçik kasaya töküb, qabı başı aşağı çevirin - bizim hazırladığımız kimi.



Nuş olsun!

---

Etiketlər: əlavə, biraz, bişirilir, doğranılır, üzərinə, olunur, edilir, qovrulur, edilib, aşağı, düyünün, yaxşı, qovrulduqdan, olunub, yuyulur, sonra, soğan, limon, bibər, qabağı