Tərkibi:
Xəmir üçün:
6 yumurta
200 q şəkər tozu
250 q mayonez
1 banka qatılaşdırılmış süd (380 q)
500-550 q un
2 ç.q. qabartma tozu və ya 1 ç.q. söndürülmüş soda

Krem üçün:
700-800 q xama
200 q şəkər


Hazırlanması:
Yumurtanı şəkər tozu ilə çalın. Mayonez vurub qarışdırın. Qatılaşdırılmış süd vurub çalın, qabartma tozu, un əlavə edib yumşaq xəmir yoğurun.
Yağlanmış siniyə (təxminən 26 sm diametrli) 1 sm qalınlığında xəmir tökün. 180 dərəcə qızdırılmış sobada 20-25 dəqiqə bişirin. 3-4 korj alınmalıdır.


Krem üçün xamanı şəkər tozu ilə çalın.


Korjları ortadan bölün. Hər birinin üzərinə krem çəkin.


Zövqünüzə görə bəzəyin. Məsələn, tortun üzərinə krem çəkib, şokolad yonqarı səpə, meyvə ilə bəzəyə bilərsiniz. Şəkildə gördüyünüz şokolad yarpaqlarını almaq üçün: şokoladı su hamamında əridin, konditer torbasına doldurun, perqamentin üzərinə yarpaq formasında (yaxud istədiyiniz başqa bir fiqur) sıxın, kağızla birlikdə 10-15 dəqiqəliyə dondurucuya qoyun. Sonra isə çıxarıb tortunuzu bəzəyin.


Nuş olsun!

---

Etiketlər: şəkər, çalın, üzərinə, qabartma, vurub, xəmir, şokolad, bəzəyin, şokoladı, almaq, konditer, torbasına, yarpaqlarını, əridin, hamamında, Şəkildə, yonqarı, çəkib, meyvə, bəzəyə