Evə bazarlıq edərkən cürbəcür tərəvəzlər almağı da unutmuruq. Amma bir neçə gün keçəndən sonra onlar ya təravətini itirir, ya da kif basır. Bu isə həm cana, həm də cibə zərərlidir. Lakin bir çox təcrübəli evdar xanımlar tərəvəzləri uzun müddət təzə saxlamağın sirlərini bilirlər. Hətta tez xarab olan ərzaqların belə ömrünü uzadırlar. Necə?
Kəsilmiş avokadonun ömrünü uzatmaq üçün onu saxladığınız qabın içinə yarıya bölünmüş soğan qoyun.

Banan “topasının” ucuna qida pərdəsi sarımaqla onları daha uzun müddət təzə halda saxlaya biləcəksiniz.

Qarğıdalı lopalarını dondurucuda saxlasanız, onlar bir-birinə yapışmayacaq.

Soyuducunun qapısında saxladığımız yumurtalar qapı açılıb bağlandıqca xarab olub keyfiyyətini itirir. Yumurta qabının qapıda quraşdırılmasına baxmayaraq, ora yumurta saxlamaq üçün heç uyğun yer deyil. Yaxşı olar ki, onları soyuducunun içinə yerləşdirəsiniz.

Sirkə sevimli çiyələklərinizin ömrünü uzatmaqda sizə kömək edəcək. Bunun üçün çiyələkləri 1 st. sirkə + 3 st. su qarışığında saxlamaq lazımdır.

Ümumiyyətlə, bütün meyvə-tərəvəzlər sərin və qurdu yerdə saxlanılmalıdır.

Peçeye xırçıltılı qalsın deyə, onu saxladığınız qabın içinə bir dilim təzə çörək qoyun.

Göbələklərin təzə qalması üçün onları kağız paketlərdə saxlamağınız tövsiyə olunur. Bu zaman kağız bütün rütubəti canına çəkir.

Kahını da eyni qaydada – kağız paketlərdə saxlamaq lazımdır.

Kərəvizi 5 həftəyə qədər saxlamaq olar. Bunun üçün onu soyuducuya qoymazdan öncə alüminium folqaya bükmək lazımdır.

süfrem.az

---

Etiketlər: saxlamaq, kağız, içinə, onları, lazımdır, ömrünü, paketlərdə, xarab, qoyun, Bunun, bütün, müddət, saxladığınız, qabın, tərəvəzlər, onlar, itirir, çiyələkləri, edəcək, folqaya