Tərkibi:
1 toyuq
muskat cevizi
şampinyon
10 q tezəriyən jelatin
duz
kərə yağı
ədviyyat (ürəyinizcə, karri də ola bilər)

Hazırlanması:
Fransızların qalantin adlandırdıqları bu ruleti hazırlamaq üçün əvvəlcə toyuğun dərisini soyun (tullamayın, o, lazım olacaq), əti sümükdən ayırın. Əti doğramayın, tikələr nə qədər iri olsalar, bir elə yaxşıdır. Duzlayın, ədva vurun. Göbələyi təmizləyib yuyun, kubik doğrayın, azca yağda qızardın. Əti, göbələyi və jelatini qarışdırın. Stolun üstünə ət bişirmək üçün plyonka sərin. Toyuğun dərisini onun üstünə yayın. İçinə əti və göbələyi qoyun. Əvvəlcə dərini, sonra isə plyonkanı səliqə ilə bükün. Sonra isə keks bişirmək üçün formanın içinə yerləşdirin.

Sobaya içində su olan dərin qab qoyun. İçində qalantin olan keks qabını da onun içinə yerləşdirin. Saat yarım bişirin. Qabda su azalanda, lazım gələrsə, isti su əlavə edin. Hazır qalantini sobadan çıxarın. Keks qabını soyuq suyun içinə, üstünə isə ağır bir əşya qoyun, su istiləndikcə dəyişin. Soyumuş qalantini üstündəki ağır əşya ilə birlikdə soyuducuya qoyun. Ən azı 12 saat orada saxlayın. Süfrəyə verərkən fal-fal doğrayın.

Nuş olsun!

---

Etiketlər: qoyun, içinə, üstünə, lazım, qalantini, göbələyi, yerləşdirin, bişirmək, doğrayın, qabını, dərisini, qalantin, Sobaya, içində, yarım, İçində, dərin, formanın, sonra, dərini