Tərkibi:
Xəmir üçün:
200 ml süd
7 q quru maya (və ya 50 q yaş maya)
100 q kərə yağı və ya marqarin
2 yumurta
500 q un
duz

İç üçün:
1 kq kələm
150 q soğan
2 yumurta
duz
istiot
bitki yağı


Hazırlanması:
İsti süddə mayanı əridin. 100 q un əlavə edib qarışdırın, qabın üzərinə dəsmal çəkin, isti yerə qoyun. 15-20 dəqiqə sonra barata qalxmalıdır. Yağ vurub qarışdırın. Yumurta, duz əlavə edib qarışdırın. Un vurub xəmir yoğurun, isti yerə qoyun. Yarım saatdan sonra xəmir gələcək. Bir az da yoğurub, daha yarım saat saxlayın.


İçi hazırlamaq üçün soğanı xırda, kələmi isə saman kimi doğrayın. Soğanı bitki yağında qızardın, sonra kələmi əlavə edib yumşalanacan (təxminən 20-30 dəqiqə) bişirin.


Yumurtaları çalın. Kələmin üzərinə əlavə edib qarışdırın, düz, istiot vurun, 5 dəqiqə bişirin. Soyudun.


Xəmiri iki yerə bölün. Sinini yağlayın, yaxud perqament döşəyin. Bir kündəni yayıb siniyə qoyun. İçi üzərinə çəkin. İkinci kündəni də yayıb bunun üzərinə qoyun. Qıraqlarını bərkidin. Ortasını buğun çıxması üçün bıçaqla çərtin.
180 dərəcə qızdırılmış sobada 30-35 dəqiqə bişirin.


Nuş olsun!

---

Etiketlər: dəqiqə, əlavə, qoyun, üzərinə, qarışdırın, sonra, bişirin, çəkin, vurub, yayıb, kündəni, xəmir, kələmi, bitki, istiot, yumurta, yağlayın, yaxud, perqament, marqarin