• Göbələklə qızardılmış forel resepti

Reseptin məlumatları Baxış sayı: 15 133

Tarix : 15-12-2015, 10:00

Bölmə : Quru yeməklər / Balıq yeməkləri / Qəlyanaltılar

Mətbəx : Yoxdu

Hazırlanma vaxtı : 30-40

Nəfər sayı : 2-4


Tərkibi:
500 q forel və ya qızılbalıq
3 pomidor
200 q şampinyon
1 baş soğan
100 q sürtgəcdən keçirilmiş pendir
bitki yağı
duz
istiot
göyərti
sarımsaq + mayonez (zövqə görə)

Hazırlanması:
Soğan və göbələyi doğrayıb birlikdə bitki yağında qovurun.

Balığı steyklərə doğrayın, duz, istiot vurun, yağlanmış formaya düzün.

Göbələk qovurmasını üzərinə döşəyin. Pomidorun qabığını soyun, fal-fal doğrayıb üstünə düzün, üzərinə sürtgəcdən keçirilmiş pendir səpin.

Zövqə görə xırdalanmış sarımsaqla mayonez də əlavə etmək olar, bu, balığın dadını bir qədər basdırır.

Balığı 180-200 dərəcə qızdırılmış sobada 20-30 bişirin. Lazım gələrsə, üzərinə folqa çəkin,

Süfrəyə verərkən üzərinə doğranmış göyərti səpin.

Qeyd: Bunu filedən də hazırlaya bilərsiniz. Forel və ya qızılbalığı digər balıqla əvəzləyə bilərsiniz. Əgər balıq yağsız olarsa (məsələn, cod balığı), o zaman mayonez çəkmək mütləqdir, əks halda balıq quru və dadsız alınacaq.

Nuş olsun!
Etiketlər: üzərinə, mayonez, doğrayıb, balıq, göyərti, bilərsiniz, səpin, düzün, istiot, Balığı, sürtgəcdən, bitki, keçirilmiş, pendir, çəkin, folqa, Süfrəyə, doğranmış, alınacaq, olsun
BİZİ İZLƏYİN