Tərkibi:iç:3-4 gavalı
1/3 fincan + 2 x.q. şəkər tozu
təzə zəncəfil kökü (2 ç.q. zəncəfil şirəsi üçün)
1 x.q. qarğıdalı nişastası
xəmir: 1 1/4 fincan un
110 q soyuq kərə yağı
1/4 ç.q. duz
1/4 fincan buz kimi su
üzərinə:1 yumurta
şəkər tozu
(1 fincan = 240 ml)
Hazırlanması:Gavalıları dilimləyin. Şəkər tozunu nişasta ilə qarışdırıb gavalıların üzərinə səpin. Zəncəfili sürtgəcin xırda gözündən keçirib şirəsini sıxın, 2 ç.q. şirə gərəkdir. Bunu da gavalılara qatıb qarışdırın.
Kombaynda un, duz və yağı iri ovuntuq alınanadək qarışdırın. Kombaynı söndürmədən, yüksək sürətində buz kimi suyu əlavə edin, xəmir kündə halına düşənədək söndürməyin. Kündə eynicinsli görünməyə bilər (məsələn, yağ kütlələri ayrı-ayrı toplana bilər) - normaldır. Xəmiri əlüstü qida plyonkasının üstünə qoyun, disk formasına salın, sıx bükün, soyuducuda 30 dəqiqə saxlayın.
Sobanı 220 dərəcə qızdırın.
Xəmiri azca un səpilmiş masada 30 sm diametrində yayın. Perqament döşənmiş formaya qoyun. Gavalıları üzərinə düzün (kənarlarından 2-3 sm yer saxlayın). Kənarlarını ortaya doğru qatlayın, üzərinə yumurta çəkib azca şəkər tozu səpin.
Sobada 45 dəqiqə, qızılı-qəhvəyi rəng alanadək bişirin. 15 dəqiqə soyudun.
Süfrəyə dondurma ilə verə bilərsiniz.
Nuş olsun!
Etiketlər: üzərinə, fincan, dəqiqə, şəkər, Gavalıları, yumurta, saxlayın, qarışdırın, səpin, qoyun, zəncəfil, Xəmiri, bilər, xəmir, dərəcə, Sobanı, qızdırın, masada, diametrində, normaldır