Tərkibi:portağal - 1 dənə böyük və ya 2 dənə balaca
qara şokolad - 150 q
kərə yağı - 150 q
yumurta - 4 dənə
şəkər tozu - 100 q
badam (və ya un) - 100 q
Hazırlanması:Portağal(lar)ı 1,5-2 saat ərzində yumşalana qədər qaynadın, sonra blenderdə əzin. Əgər vaxtınız yoxdursa, apelsinlərin şirəsini çəkmək mümkündür.
Şokoladı və yağı doğrayıb əridin. Bunu ya mikrodalğalı sobada 20 saniyədən bir fasilələr etməklə, ya da su hamamı üsulu ilə (qazın üstündə yerləşən və içində bir qədər qaynayan su olan balaca bir qazanın üstünə qoyulmuş istiyə dayanıqlı qabın içində, su qaba dəyməməlidir) etmək olar.
Yumurta ağlarını sarılarından ayırın. Sarılarını şəkərin yarısı ilə ağaranadək çalın.
Çalınmış sarılara portağal, sonra xırda üyüdülmüş badam (əgər yoxdursa, buğda unu ilə əvəz etmək olar) və yağlı-şokoladlı ləyəni qatın.
Ayrı kasada yumurta ağlarını qalan şəkər tozu ilə çalın, daha ətraflı burada. Aşağıdan yuxarıya doğru hərəkətlə çalınmış ağları ləyənə üç dəfəyə əlavə edin.
170℃ qızmış sobada 30-40 dəqiqə ərzində bişirin. O zaman çıxardın ki, piroqa batırılmış çöpdə duru xəmir qalmır (amma xəmir qırıntıları qala bilər, çünki piroq bir az nəm olmalıdır). Piroq çatlaya bilər, bu normaldır. Soyuducuda tam soyuyandan sonra süfrəyə verin.
Nuş olsun!
Etiketlər: sonra, içində, yoxdursa, bilər, ağlarını, sobada, etmək, xəmir, qədər, portağal, yumurta, çalın, balaca, şəkər, badam, ərzində, yuxarıya, dəfəyə, ləyənə, ağları