Tərkibi:
Xəmir üçün:2/3 st. un
3 yumurta
1/2 st. şəkər tozu
1 ç.q. qabartma tozu
vanil
kərə yağı (yağlamaq üçün)
Jele üçün:1 banka şaftalı konservi
300 ml şaftalı şirəsi (siropu)
20 q jelatin
1 ç.q. limon şirəsi
2 ç.q. şəkər tozu
Hazırlanması:Xəmiri hazırlamaq üçün yumurta, şəkər tozu və vanili qatı köpük alınıb həcmi artana qədər çalın. Sonra tədricən ələnmiş unu və qabartma tozunu əlavə edərək çalın.
Yağlanmış siniyə töküb üzərinə folqa çəkin və 180 dərəcə qızdırılmış sobada təxminən 30 dəqiqə bişirin. Sonra korju sobadan çıxarıb soyudun. Üst hissəsini kəsin. Divarlarını və dibini zədələmədən içini oyub çıxarın.
Jele hazırlamaq üçün şaftalı şirəsinin içinə jelatin töküb qarışdırın, 30 dəqiqə saxlayın. Şaftalı konservini blenderdə əzin (bir-ikisini bəzək üçün saxlayın). Sonra buraya şəkər tozu, limon şirəsi əlavə edib yenə blenderdə qarışdırın.
Jelatinli məhlulu ocağın üstünə qoyub jelatin tam əriyənədək qızdırın, sonra blenderdəki pürenin içinə töküb yaxşıca çalın.
Hazır jeleni içi oyulmuş korjun içinə tökün, kəsdiyiniz «qapağı» üstünə qoyun. Qalan jeleli püreni üstünə çəkin. Şaftalı dilimləri ilə bəzəyin.
Soyuducuda üç saat saxlayın.
Nuş olsun!
Etiketlər: şəkər, çalın, şaftalı, jelatin, saxlayın, üstünə, Sonra, şirəsi, içinə, töküb, hazırlamaq, çəkin, yumurta, əlavə, dəqiqə, blenderdə, Şaftalı, qabartma, limon, qarışdırın