Tərkibi: 5 ədəd yetişmiş pomidor 2 yemək qaşığı kərə yağı 1 dolu yemək qaşığı un 1 çay qaşığı toz bibər 5 stəkan su 1/2 stəkan süd (istəyə görə) Duz İstiot Fəsləyən Şorbanın üzəri üçün holland pendiri
Hazırlanması: Pomidorları rəndədən keçirdin. Qabıqlarını qarışdırmamağa diqqət edin. Və yaxud əvvəlcə pomidorların qabığını soyun. Bunun üçün əvvəlcə pomidorları bir çəngəl vasitəsi ilə ocağın üzərində tutun. Bu zaman qabıqlar daha rahat soyulur.
Kərə yağı bir tavada əridin. Unu kərə yağına əlavə edin və iyi çıxana qədər qovurun. Bundan sonra buraya toz bibər də əlavə edin və qarışdırın.
Bundan sonra rəndələnmiş pomidorları da əlavə edin və qarışdırın.
10-15 dəqiqə vam odda bişirin.
Suyu (olacaqsa südü də) əlavə edərək, lazımi qatılığa gələnə qədər pomidor şorbası bişirilir. Bişdikdən sonra duzu da əlavə edin və ocağı söndürün.
Şorba süfrəyə verilərkən kasalara qoyulur. Holland pendiri rəndələnir və içərisində pomidor şorbası olan kasalara şorbanın üzərinə səpilir.