Tərkibi:
500 q yağlı xəmir
600 q (6 əd.) toyuq budu
300 q göbələk (qurusu da olar)
700 q kartof
150 q baş soğan
50 ml süd
duz
istiot
bitki yağı


Hazırlanması:
Kartofu təmizləyib suda bişirin. Soğanı xırda doğrayın. Göbələyi təmizləyib xırda doğrayın. Bitki yağında soğanı qızardın. Göbələyi əlavə edin. Suyu çəkilənəcən bişirin (təxminən 15 dəqiqə).
Toyuq budlarını duzlayıb-istiotlayın, bitki yağında hazır olanadək, təxminən 25-30 dəqiqə qızardın. Soyudun.
Kartofa kərə yağı və süd əlavə edib əzin. Püre ilə göbələyi qarışdırın. Soyudun.


Xəmiri təxminən 3 mm qalınlıqda yayın. Dördbucaq formasında kəsin (qalıqları atmayın). 15x15 sm ölçüdə kvadratlar kəsin. Qalıqları xırdaca yayıb kvadratların ortasına qoyun (bu, onunçün edilir ki, altdakı xəmir cırılmasın). Bunun üzərinə 2-3 x.q. iç (püre ilə göbələyin qarışığı) qoyun. Budu için üzərinə yerləşdirin. Xəmirin kənarlarını budun ətrafında yığın və sapla bağlayın (çox bərk çəkməyin, xəmir kəsilib, forma itəcək).


Siniyə perqament döşəyib azca yağlayın. Hazırladığınız "çəkmələri" üzərinə düzün. Budun bayırda qalan sümük hissəsini yanmaması üçün folqa ilə örtə bilərsiniz. 180 dərəcə qızdırılmış sobada təxminən 15-20 dəqiqə qızaranadək bişirin. Hazır olandan sonra sapları çıxarın.


Nuş olsun!

---

Etiketlər: təxminən, bişirin, dəqiqə, üzərinə, xəmir, Göbələyi, xırda, yağında, əlavə, kəsin, Soyudun, qızardın, doğrayın, qoyun, bitki, təmizləyib, forma, kəsilib, qarışığı, itəcək