Tərkibi:
30 ədəd hazır paxlava yuxası
250 q kərə yağı
qara istiot

Krem:
3 yumurtanın sarısı + 1 yumurta
1 litr süd
2 x.q. un
2 x.q. nişasta

Şərbət:
2 st. şəkər tozu
2 st. su
1 x.q. limon şirəsi

Hazırlanması:
Şərbət:
Suya şəkər tozu əlavə edin, qarışdırıb qaynadın, qaynara düşəndə limon şirəsi əlavə edin, ocaqdan götürün.

Krem:
Südü qaynamağa qoyun. Un, nişasta, 3 yumurtanın sarısı və bir bütöv yumurtanı əlavə edib qarışdırın. Qaynar süddən çömçə ilə götürərək əlavə edin, dayanmadan qarışdırın ki, yumurta bişməsin. Südün hamısını bu qarışığa hissə-hissə əlavə edib qarışdırın. Sonra kütləni təkrar qazana tökün. Qarışdıraraq qatılaşanadək bişirin.

Böreyi bişirəcəyiniz sinini kərə yağı ilə yağlayın.

Lavaşları bir-bir içinə düzərək ərinmiş kərə yağı ilə yağlayın (bol sürtmək lazım deyil). 15 yuxadan sonra hazırladığınız kremi üzərinə bərabər qaydada yayın. Üzərinə qara istiot səpin. Sonra üzərinə daha 15 yuxanı yağlayaraq üst-üstə qoyun. Sonuncu yuxanın da üzərini yağlayın.

Çox iti bıçaqla kvadratlara doğrayın.

180 dərəcə qızdırılmış sobada üzəri qızarıncayadək bişirin.

Hazır olduqdan sonra soyuq şərbəti üzərinə gəzdirin.



Nuş olsun!

---

Etiketlər: əlavə, üzərinə, qarışdırın, yağlayın, sonra, şirəsi, Sonra, hissə, limon, qoyun, bişirin, şəkər, sarısı, yumurtanın, istiot, nişasta, yumurta, qaydada, sürtmək, yayın