• Kəpənək makaronları Pollo de Funqi sousunda resepti

Reseptin məlumatları Baxış sayı: 4 076

Tarix : 4-03-2018, 12:00

Bölmə : Quru yeməklər / Makaron yeməkləri / Souslar

Mətbəx : Avropa mətbəxi

Hazırlanma vaxtı : 30-40

Nəfər sayı : 1-2

Şef / Mənbə : barakat.az


Tərkibi:
toyuğun döş əti,
makaron,
şampinyon,
parmezan pendiri,
baş soğan,
sarımsaq,
qaymaq,
ədviyyat qarışığı

Hazırlanması:
1. Makaronlar üçün qazana bir porsiyaya 800-1000 ml olmaqla su töküb odun üzərinə qoyun.

2. Toyuğun döş ətini qablaşdırmadan çıxardın, yuyun və qurudun. Şampinyonları qaba qoyun və üstünə su tökün. Toyuğun filesini dördbucaqlar şəklində doğrayın.

3. Qaynayan duzlanmış suya makaronları tökün və tam hazır olana qədər 7-10 dəqiqə qaynadın. Hazır olduqda kəpənəkləri süzgəcə tökün və suyunu süzün.

4. Soğanı təmizləyin və xırda-xırda doğrayın. Şampinyonların suyunu boşaldın, axar suda yuyun və dördbucaqlar şəklində doğrayın. Sarımsağı təmizləyin və bıçaq ilə əzin.

5. Orta odda qızdırılmış tavaya bitki yağını tökün və doğranmış fileni tavaya əlavə edin. Bir neçə dəqiqədən sonra soğan, şampinyon və sarımsağı da tavaya tökün. Tam hazır olanadək 3-5 dəqiqə qızardın. Qaymaq əlavə edin və 1-2 dəqiqə qatılaşanadək bişirin. Makaronları tavaya əlavə edin və qarışdırın.

6. Hazır yeməyi boşqaba qoyun, üzərinə parmezan pendirini əlavə edin. İstəyinizdən asılı olaraq göyərti ilə bəzəyin.

Nuş olsun!
Etiketlər: tökün, əlavə, tavaya, qoyun, doğrayın, dəqiqə, üzərinə, parmezan, Toyuğun, xırda, hazır, şəklində, soğan, təmizləyin, dördbucaqlar, yuyun, şampinyon, Hazır, suyunu, fileni
BİZİ İZLƏYİN