Plakiya - qabaqdan hazırlanan ənənəvi bolqar xörəyidir. Tamamilə tərəvəzdən ibarətdir, yəni əsl yay yeməyi.
Tərkibi:1 qabaq
2 pomidor
1 soğan
1-2 bolqar bibəri
4 diş sarımsaq
göyərti - cəfəri, şüyüd - zövqə görə
3 yumurta
2 x.q. sirkə
1 x.q. un
50 ml zeytun yağı
Hazırlanması:Sininin içinə folqa döşəyin. Üstünə dilimlənmiş qabağı düzün.
Soğan, bibər, sarımsaq və göyərtini xırda doğrayın, qarışdırıb qabağın üstünə bərabər yayın.
Bunun üstünə bir lay da qabaq döşəyin. Üstünə bir lay halqa doğranmış pomidor düzün.
Yumurtanı un və sirkə ilə eynicinsli kütlə alınanadək çalın.
Sinini 180 dərəcə qızdırılmış sobaya qoyun, 40 dəqiqə bişirin.
Çıxarıb üstünə çalınmış yumurta qarışığını tökün və eyni temperaturda daha 10 dəqiqə bişirin.
Nuş olsun!
Etiketlər: üstünə, yumurta, sarımsaq, pomidor, sirkə, Üstünə, bişirin, dəqiqə, qabaq, döşəyin, düzün, bolqar, eynicinsli, kütlə, alınanadək, çalın, Yumurtanı, doğranmış, bərabər, ənənəvi