Tərkibi:4 badımcan
4 şirin bibər
4 soğan
4 pomidor
Marinad üçün:100 q su
100 q bitki yağı
50 q şəkər tozu
1 x.q. duz
70 q 9%-li sirkə
Hazırlanması:Tərəvəzləri yuyun, təmizləyin. İri doğrayın (məsələn, hərəsini dörd yerə, gözünüzə çox iri görünürsə, bir az da xırdalaya bilərsiniz).
Marinad üçün olan ərzağı qarışdırın, qazana tökün, tərəvəzləri də buraya əlavə edin. Ocağın üstünə qoyun. Qaynara düşəndən sonra 30 dəqiqə bişirin (artıq olmaz, çünki tərəvəz əzilər).
Bankaları sterilizə edin (mikrodalğalı sobada, yaxud içində su qaynayan qazanın buxarında), qapaqların üstündən qaynar su axıdın. Qaynar salatı hazırladığınız bankalara yığın, qapağını bağlayın. Bankaları tərs çevirin, bükün, soyuyandan sonra üstünü açıb çevirin.
Nuş olsun!
Etiketlər: Bankaları, Marinad, çevirin, sonra, sobada, mikrodalğalı, yaxud, qazanın, içində, sterilizə, qaynayan, tərəvəz, artıq, bişirin, olmaz, çünki, buxarında, əzilər, üstündən, bağlayın