• Rus şarlotkası resepti - FOTO RESEPT

Reseptin məlumatları Baxış sayı: 12160

Tarix : 16.04.2016, 17:00

Bölmə : Piroq və Kekslər, Foto reseptlər

Mətbəx : Rus mətbəxi

Hazırlanma vaxtı : Yox

Nəfər sayı : Yox




Tərkibi:
6 yumurta
150 q un
300 q şəkər tozu (150 q - biskvitə, 150 q - mussa)
600+300 q çiyələk (muss və bəzək üçün)
400 ml 35%-li qaymaq
jelatin paketi (600 ml maye üçün)
2 x.q. limon şirəsi
vanilli şəkər
(23 sm diametrli forma)

Hazırlanması:
Biskvit (23 sm diametrli əsas və 24 ədəd savoyardi üçün): Yumurta ağlarını sarılarından ayırın. Yumurta sarılarını 100 q şəkər tozu ilə qatı ağ krem alınınca çalın, unun yarısını qatın.
Yumurta ağlarını möhkəm çalın, 50 q şəkər tozu əlavə edib parıldayıb möhkəm köpük əmələ gətirənədək çalın.
Hər iki kütləni ehtiyatla qarışdırıb, unun qalanını qatın. Hazır xəmiri qənnadı torbasına doldurub perqamentin üzərinə barmaq uzunluqda sıxın (24 ədəd). "Barmaqların" üzərinə şəkər tozu və ya pudra səpin. Xəmirin qalanını içinə perqament döşənmiş 23 sm diametrli formaya tökün. Hər ikisini 180 dərəcədə bişirin: "barmaqları" 13 dəqiqə, qızılı rəng alınca, biskviti isə 25 dəqiqə.

300 q çiyələyi blenderdə xırdalayıb ələkdən keçirin, yerdə qalan 150 q şəkər tozunu əlavə edin.
Jelatini azacıq suda isladıb 10 dəqiqə saxlayın. Sonra üzərinə 2 x.q. limon şirəsi töküb qızdırın (qaynatmaq olmaz), qarışdırın, ocaqdan götürüb azca soyudun, sonra giləmeyvə püresinə əlavə edin. 20 dəqiqə saxlayın (qatılaşacaq). Bu müddətdə 300 q çiyələyi doğrayın, qaymağı çalın.
Çalınmış qaymaqlı doğradığınız çiyələyi giləmeyvə püresilə qarışdırıb qatılaşması üçün soyuducuda 30 dəqiqə saxlayın.
Vanilli şərbət: 3 x.q. vanilli şəkəri 5 x.q. isti suda əridin. Bu şərbəti biskvitə və savoyardilərə hopdurun. Kənarları açılan formaya biskviti qoyun, muss qatılaşan kimi biskvitin üzərinə tökün. Yenidən soyuducuda yarım saat (ən yaxşısı - bir saat) saxlayın.
Formanın kənarını açın, şarlotkanı boşqaba qoyun. Kənarına savoyardiləri düzün, qəşəng görünməsi və dağılmaması üçün lentlə sarıyın.
Üzərini çiyələklə bəzəyin.

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Rus şarlotkası resepti - FOTO RESEPT

Nuş olsun!

Etiketlər: şəkər, dəqiqə, çalın, saxlayın, üzərinə, Yumurta, diametrli, əlavə, çiyələyi, qarışdırıb, biskvitə, qatın, biskviti, qalanını, tökün, soyuducuda, qoyun, formaya, giləmeyvə, möhkəm
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
BİZİ İZLƏYİN