Tərkibi:
xəmir üçün:
ilıq su - 120 ml
aktiv quru maya - 2 ç. q.
şəkər tozu - 2 ç. q.
kərə yağı - 100 q
yumurta - 1 dənə
ilıq süd - 120 ml
duz - 1 çimdik
un - 600 q

içi üçün:
şəkər tozu (qəhvəyi daha üstündür) - 150 q
darçın - 2 x. q.
kakao tozu (istəklə) - 1 x. q.
kərə yağı, yumşaq - 70 q

frostinq üçün:
krem pendir - 200 q
şəkər tozu - 150 q

Hazırlanması:
İlıq suda mayanı həll edib 5-10 dəqiqəyə köpüklənməyə qoyun.



Yağı əridib soyudun. Unu, duzu, südü, yağı, yumurtanı və həll olunmuş mayanı qarışdırıb xəmir yoğurun.



10 dəqiqə ərzində yoğurandan sonra xəmiri dəsmal ilə örtüb isti yerə 1 saata qoyun.



İç üçün quru ərzaqları qarışdırın. Qabarmış xəmiri dörbucaq şəklində 5 mm qalınlığında yayın.



Enli tərəflərindən birində bir az yer saxlayıb, qalan xəmirin yumşaq yağ ilə yağlayın və üzərinə quru içliyi səpin. Əks tərəfdən başlayaraq xəmiri rulet şəklində sıx bükün.



İti bıçaq ilə 9-12 eyni hissəyə kəsib yağlanmış formaya düzün. 30 dəqiqəyə isti yerə qoyun.



180 dərəcəli sobada 20-30 dəqiqə, və ya bir qədər qızaranadək bişirin. Krem pendiri şəkər tozu ilə bir qədər çırpıb isti bulkaların üzərinə yaxın. İsti-isti yeyin, qalanları soyuducuda qapalı qabda saxlayın.



Nuş olsun!

---

Etiketlər: şəkər, xəmiri, qoyun, dəqiqəyə, dəqiqə, mayanı, xəmir, qədər, üzərinə, yumşaq, şəklində, hissəyə, bıçaq, kəsib, yağlanmış, düzün, formaya, bükün, rulet, yumurta