• İçli badımcan kotleti resepti

Reseptin məlumatları Baxış sayı: 15 457

Tarix : 1-09-2016, 17:00

Bölmə : Quru yeməklər / Tərəvəz yeməkləri / Foto reseptlər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
2 iri badımcan
200 q şampinyon
1 qırmızı şirin bibər
1 yumurta
5-7 x.q. narın suxarı
50-60 q bərk pendir (qoyun, yaxud keçi)
1 diş sarımsaq
0,5 çili istiotu
1 çimdik qurudulmuş oreqano
zeytun yağı
un
duz

Hazırlanması:
Tərəvəzi yuyub üzərinə zeytun yağı çəkin, 200 dərəcə qızdırılmış sobada 20-30 dəqiqə bişirin.

Göbələk tez bişdiyindən onu 10 dəqiqə tez çıxarın sobadan. Xırda doğrayın.

Bibəri sellofan paketə büküb 10 dəqiqə saxlayın, belədə qabığı tez çıxacaq.

Badımcanla bibərin qabığını soyun. Azca sıxıb suyunu çıxarın.

Badımcanları xırda doğrayıb blenderdən keçirin. Bibəri xırda kubik doğrayın.

Badımcan püresi, sürtgəcdən keçirilmiş pendir, narın suxarı və yumurtanı qarışdaran. Duz-istiot vurub yoğurun. 5 dəqiqə saxlayın (suxarı şişib, kütlə qatılaşacaq). Əgər kütlə duru alınıbsa, bir qədər də suxarı əlavə edin.

İç: xırda doğranmış sarımsaq, çili istiotunun yarısı, şampinyon, bibər və oreqano qurusunu qarışdırın. Duz-istiot vurun.

Masanın üzərinə un səpin (yaxud əlinizdə də edə bilərsiniz). Üzərinə badımcanlı qarışıqdan qoyun. Ortasına iç qoyub, badımcanlı kütlənin kənarlarını ortaya qaldırın, bitişdirin, kotlet forması verin. Una batırıb orta itilikli odda bitki yağında qızardın.

Bəzək üçün hər kotletin üzərinə şampinyon dilimi yapışdırmaq olar (qızartmazdan əvvəl şampinyon dilimini yumurta ağına batırıb kotletin üzərinə yapışdırın).

İçli badımcan kotleti  resepti
İçli badımcan kotleti  resepti
İçli badımcan kotleti  resepti
İçli badımcan kotleti  resepti
İçli badımcan kotleti  resepti
İçli badımcan kotleti  resepti
İçli badımcan kotleti  resepti


Nuş olsun!
Etiketlər: suxarı, dəqiqə, üzərinə, şampinyon, xırda, zeytun, batırıb, çıxarın, saxlayın, badımcanlı, Bibəri, doğrayın, oreqano, kotletin, bibər, istiot, qoyun, pendir, narın, yumurtalır
BİZİ İZLƏYİN