• Büllurda donmuş armud piroqu resepti - FOTO RESEPT

Reseptin məlumatları Baxış sayı: 6967

Tarix : 23.07.2016, 15:00

Bölmə : Piroq və Kekslər, Meyvəli şirniyyatlar, Foto reseptlər

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
6 armud
1 portağal
1 limon
300 q şəkər tozu
600 ml su (300+300)
350 q un
0,5 ç.q. duz
150 q kərə yağı
3 yumurta
1 ç.q. qabartma tozu
0,5 x.q. alma sirkəsi
1 paket jelatin
75 ml qaymaq

Hazırlanması:
Öncə armudlar üçün marinad hazırlamaq lazımdır. Portağalın şirəsini, limonun sedrasını çıxarın. Qarışdırıb, 200 q şəkər tozu əlavə edin, 300 ml qaynar su töküb şəkər tozu tam əriyincə qarışdırın. Sonra 300 ml soyuq su əlavə edin.
Marinadı ocağın üstünə qoyun. Qaynara düşəndə armudları içinə yerləşdirin. Çalışın, armudlar aşmasın. Ocağı azaldıb armudları 5-10 dəqiqə, yumşalınca bişirin. Kəfkirlə çıxarıb ayrı qaba yığın. Armudun içində bişdiyi şərbəti süzüb bir kənara qoyun. Sonda lazım olacaq.
Xəmir: duz, qabartma tozu və 300 q unu qarışdırın. Kərə yağı ilə unu ovun.
Ayrı qabda 1 yumurtanı çəngəllə çalın. Sirkə və 5 x.q. soyuq su əlavə edin. Vanil də qata bilərsiniz.
Yumurta qarışığını una əlavə edin, elastik xəmir yoğurun. Üzərinə qida plyonkası çəkib soyuducuda 15 dəqiqə saxlayın.
Xəmiri diametri 26 sm olan formaya yayıb kənarlarını qaldırın. Yenidən 15 dəqiqə soyuducuda saxlayın.
Xəmirin üzərinə folqa, yaxud perqament çəkib üstünə yük qismində quru lobya, noxud, yaxud buğda səpin. Azca əlinizlə basın. 200 dərəcə qızdırılmış sobada 15 dəqiqə bişirin. Sonra üzərindən yükü götürüb temperaturu 180 dərəcəyədək azaldaraq daha 5 dəqiqə bişirin.
Krem: 2 x.q. unla 2 x.q. şəkər tozunu qarışdırın. Tədricən 125 ml armud şərbətini əlavə edərək mikserlə çalın. Ayrı qabda 2 yumurtanı qaymaqla çalın, birinci qarışığa əlavə edin. Yaxşıca qarışdırın. O, duru alınacaq, bişəndə isə qatılaşacaq.
Armudların aşağısını azca kəsib hamarlayın ki, formaya qoyanda aşmasın. Piroq əsasının üzərinə düzün. Kremi tökün.
180 dərəcə qızdırılmış sobada 25 dəqiqə bişirin. Krem qatılaşmalıdır. Piroqu tam soyudun.
İndi isə "büllur"u hazırlamaq lazımdır. Bunun üçün armud şərbətinin qalanına əvvəlcədən isladılmış jelatini əlavə edin (jelatini islatmaq qaydası qablaşdırmanın üzərində göstərilir), ocağın üstünə qoyun. Qaynara düşəndə götürün (qaynatmaq olmaz).
Jelatinli kütləni kremin üstünə səliqəylə tökün. Piroqu soyuducuya qoyun (bir gecə saxlasanız, lap əla olar).

Büllurda donmuş armud piroqu resepti - FOTO RESEPT

Büllurda donmuş armud piroqu resepti - FOTO RESEPT

Büllurda donmuş armud piroqu resepti - FOTO RESEPT

Büllurda donmuş armud piroqu resepti - FOTO RESEPT

Büllurda donmuş armud piroqu resepti - FOTO RESEPT


Nuş olsun!

Etiketlər: əlavə, dəqiqə, qoyun, üstünə, bişirin, şəkər, qarışdırın, armud, çalın, aşmasın, Qaynara, ocağın, qabda, düşəndə, armudları, çəkib, sobada, qızdırılmış, tökün, Piroqu
Загрузка...
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
BİZİ İZLƏYİN




Yandex.Metrica