Tərkibi:
5 ədəd badımcan
bitki yağı
sirkə
sarımsaq
baş soğan
göyərti - cəfəri və keşniş
duz
istiot

Hazırlanması:
Saytımızda olan badımcan turşusundan fərqli olaraq, bu reseptdə badımcanın içi doldurulmur.

1. İnqredientlər hazırlanır.

2. Badımcanlar yuyulub başları kəsiləndən sonra onları qaynatmaq lazımdır. Bunun üçün onları bir qazan suya yerləşdirib, üzərinə 1 x/q duz töküb orta odda qaynadırıq.
Badımcanlar qaynadıqda, saata baxıb odu bir qədər azaldırıq ki onlar sakitcə qaynasınlar.
20 dəqiqədən sonra badımcanları çıxarmaq olar.

3. Bişmiş badımcanları sini və ya boşqab üzərinə düzüb soyumasını gözləyin.

4. Badımcanlar soyuyandan sonra, ikinci mərhələyə keçmək olar. Göyərti və sarımsaq xırda doğranılır, soğan yarımdairə formasında doğranılır.

5. Hazırlıq işləri bitdi, indi isə badımcanlara keçirik. Badımcanlar kubik şəklində doğranılır.

6. Şüşə qabın dibinə soğanlar düzülür.

7. Soğanın üzərinə doğranılmış badımcanlar düzülür. Duz və istiot əlavə edilir.

8. Badımcanın üzərinə xırda doğranmış sarımsaq əlavə edilir.

9. Yenidən soğan layı təkrarlanır.

10. Soğanın üzərinə xırda doğranmış göyərti əlavə edilir.

11. Birinci lay hazırdır. İndi isə üzərinə sirkə və bitki yağı əlavə edilir.

12. Sonra yenidən badımcan düzülür və eyni yuxarıda qeyd edilən kimi, badımcan bitənə qədər təkrarlanır. Bizdə 3 lay alındı. Sonda, üstdən mütləq sirkə və bitki yağı əlavə edilməlidir.

13. Bu şüşə qabın qapağı plastmasdan ibarıtdir və o bütün qoxuları özünə çəkir. Bunun üçün biz öncə şüşə qabı qidə zərvərəqi (folqa) ilə örtüb, üstdən qapağı bağlayırıq.

14. Turşu badımcanlar artıq 2-3 saatdan sonra qidaya yararlı olacaqlar.

15. Süfrəyə verildikdə, boşqaba töküb, üzərinə göyərti və sumax əlavə etmək olar.



Nuş olsun!