Tərkibi:5 ortaboy kartof
250-300 ml süd
250-300 q un
3-4 diş sarımsaq
3 yumurta
1 x.q. şəkər tozu (üstsüz)
3+2 x.q. bitki yağı
duz
göyərti - zövqə görə
Hazırlanması:Kartofları soyub yuyun, 4 bölüb üzərini örtənə qədər su tökün, duz vurun, hazır olanadək bişirin. Azca soyuyandan sonra içində bişdiyi su ilə birlikdə blenderdə sıyıq halına gələnədək xırdalayın.
Kartofa əzilmiş sarımsaq, yumurta, un, qaynanmış süd, 3 x.q. bitki yağı, 1 ç.q. duz, 1 x.q. şəkər tozu əlavə edib yaxşıca qarışdırın. Xəmiri 20-30 dəqiqə isti yerdə saxlayın.
Qızdırılmış tavada az-az bitki yağı əlavə etməklə qızardın. Xəmiri bütün tavanın diametri ilə yaymayın, bir az kiçik olsun, çünki böyük blini çevirəndə parçalanır. Bir üzü tam bişəndən sonra çevirin. Göyərtini ya xəmirə qata, ya da xəmiri tavaya yayandan sonra üzərinə səpə bilərsiniz.
Nuş olsun!
Etiketlər: bitki, sonra, şəkər, əlavə, Xəmiri, olsun, yumurta, sarımsaq, qızardın, bütün, tavanın, etməklə, diametri, saxlayın, qarışdırın, yaxşıca, dəqiqə, yerdə, Qızdırılmış, yaymayın